Depýtattyń aıtýynsha, sońǵy jyldary Qazaqstan aıtarlyqtaı ózgerdi. Búginde el azamattary álem elderine erkin saparlap, jetekshi ýnıversıtetterde bilim alyp, halyqaralyq jobalarǵa qatysyp júr. Qazir shamamen 90 myń qazaqstandyq shetelde bilim alady.
«Keıde álemdegi ózgeristerdiń jyldamdyǵyna ilese almaı, óz elimizde bolǵan úlken ózgeristerdi baıqamaı qalamyz. Biraq syrttaı qarasaq, Qazaqstannyń múlde basqa elge aınalǵanyn kórýge bolady», dedi Nıkıta Shatalov.
Referendým qarsańyndaǵy qoǵamdyq kóńil kúı: jańa Konstıtýsııaǵa pikir qandaı?
Ol Qazaqstanda túrli mádenıet pen din ókilderiniń beıbit ómir súrip jatqanyn atap ótti.
«Biz kóptúrli qoǵamda ómir súrýdi úırendik. Naýryzdy da, Ramazandy da, Rojdestvo men Pashany da birge atap ótemiz. Bul bizdiń ortaq bolmysymyz», dedi depýtat.
Sonymen birge ol qazirgi álemde turaqsyzdyq kúsheıip otyrǵanyn aıtty. Osyndaı jaǵdaıda memlekettiń jaýapkershiligi erekshe mańyzdy.
«Jaqynda memleket qaýipti aımaqta qalǵan azamattaryn qysqa ýaqytta evakýasııalap, 10 myńǵa jýyq qazaqstandyqty elge qaıtardy. Bul qazaqstandyq pasporttyń artynda naqty qorǵaý turǵanyn kórsetedi», dedi ol.
Referendýmǵa daıyndyq: Múgedektigi bar adamdarǵa qandaı jaǵdaı jasalady?
Depýtattyń pikirinshe, jańa Konstıtýsııa el damýynyń negizgi baǵytyn aıqyndaıdy.
«Konstıtýsııa – jaı ǵana zań emes. Ol qoǵam men memlekettiń qalaı damıtynyn anyqtaıtyn negiz», dedi Nıkıta Shatalov.
Referendým-2026: Saılaý ýchaskesin eGov Mobile arqyly tekserýge bolady
Sóz sońynda depýtat jastardy referendýmǵa qatysýǵa shaqyrdy.
«Jastardy 15 naýryzda daýys berýge kelip, óz tańdaýyn jasaýǵa shaqyramyn. Memlekettiń bolashaǵy ár azamattyń sheshiminen bastalady», dedi ol.
