Fransııanyń Marsel qalasynda ótip jatqan Open 13 Provence týrnırinde 22 jastaǵy Býblık ATP reıtınginde 20-orynda turǵan jergilikti sportshy Benýa Peramen kúsh synasyp, úsh setke sozylǵan básekede 3:6, 6:4, 6:4 esebimen jeńiske jetti. Endi otandasymyz jartylaı fınalda óner kórsetý úshin Marın Chılıch (Horvatııa) pen Denıs Shapovalov (Kanada) jubynyń jeńimpazymen synǵa túsedi.
Al Dýbaıda ótip jatqan WTA Premier týrnıriniń irikteý kezeńinde Elena Rybakına chehııalyq Katarına Sınıakovamen sheberlik synasty. Bir saǵatqa sozylǵan kezdesýde Rybakına qarsylasyn eki sette 6:3, 6:3 nátıjesimen qapy qaldyrdy. Otandasymyz shırek fınalda taǵy bir chehııalyq sportshy Karolına Plıshkovamen jartylaı fınaldyń joldamasyn sarapqa salady.
