«Bıyl egin orý naýqany qıynǵa soqpaq. Aýa raıy ylǵaldy. Kún men jylýdyń jetkilikti deńgeıde bolmaǵanyna baılanysty astyqtyń pisip-jetilýi kesheýildeýde. Qazirgi ýaqytta ylǵal saldary egin orý naýqanyna keri áser etip jatyr». Keshe Úkimet otyrysynan keıin jýrnalısterge bergen suhbatynda Aýyl sharýashylyǵy mınıstri Asyljan Mamytbekov osylaı dedi.
«Bıyl egin orý naýqany qıynǵa soqpaq. Aýa raıy ylǵaldy. Kún men jylýdyń jetkilikti deńgeıde bolmaǵanyna baılanysty astyqtyń pisip-jetilýi kesheýildeýde. Qazirgi ýaqytta ylǵal saldary egin orý naýqanyna keri áser etip jatyr». Keshe Úkimet otyrysynan keıin jýrnalısterge bergen suhbatynda Aýyl sharýashylyǵy mınıstri Asyljan Mamytbekov osylaı dedi.
Alaıda mınıstr aýa raıy jaqsaryp, dıqandar egin orý naýqanyn sátti aıaqtaıdy dep úmittenedi. «Qazir naqty boljam joq. Egin orý naýqany ońaıǵa túspeıtinin qaıtalap ótkim keledi. Sondyqtan, biz qazirgi ýaqytta aýylsharýashylyq taýaryn óndirýshilerge ǵylymı uıymdardyń keńesi boıynsha óz sharýashylyqtaryn, keptirgish qurylǵylaryn, tazartý qural-jabdyqtardy daıarlaýǵa keńes berip jatyrmyz», deıdi mınıstr.
Iá, endi birer aptadan soń tamyljyǵan tamyz da taýsylǵaly tur. Endeshe, jaıdarman jaz bitip, kúreń kúzdiń kóleńkesi kórindi deı berińiz. Bul aýyl sharýashylyǵy salasyndaǵylar úshin naǵyz qarbalas, qaýyrt shaq. Jaz boıy tolassyz jaýǵan jańbyrdan qaýlaı ósip, berekesin berip turǵan jerdiń yrzyǵyn oıdaǵydaı jıyp-terý de ońaı sharýa emes, árıne. Oǵan uıymdasqan jumys, qajyrly eńbek qajet.
Keshe Premer-Mınıstr Serik Ahmetovtiń tóraǵalyǵymen ótken selektorlyq rejimdegi Úkimet otyrysynda da aýyl sharýashylyǵyna qatysty birqatar máseleler talqylanǵan edi. Otyrysta ortaǵa túsken derekterge qarap elimizde aýyl sharýashylyǵy salasynyń damýy artyp kele jatqanyn ańǵardyq. Tek, jańbyrly kúzden kesir kelmese bolǵany.
Úkimet otyrysyn ashqan Premer-Mınıstr S.Ahmetov aýyl sharýashylyǵyn damytý máseleleri Memleket basshysynyń aıryqsha nazarynda turǵanyn aıta otyryp, aǵymdaǵy jyldyń aqpan aıynda qabyldanǵan 2013-2020 jyldarǵa arnalǵan agroónerkásip keshenin damytý baǵdarlamasy memlekettik qoldaýdyń teńdessiz sharasy retinde qarastyrylǵanyn atap ótti. Al salanyń jalpy aǵymdaǵy jaǵdaıy, «Agrobıznes-2020» baǵdarlamasyn júzege asyrý barysy, aýylsharýashylyq ónimderin qaıta óńdeýdi damytý sharalary týraly Aýyl sharýashylyǵy mınıstri Asyljan Mamytbekov baıandady. Onyń aıtýynsha, tutastaı alǵanda, aýylsharýashylyq ónimderin óndirý ósimi oń óris aldy. Sonymen, sońǵy 12 jylda jalpy ónim kólemi 4 esege artyp, ótken jyly ósim 1,9 trln. teńgeni qurady. О́simdik ónimderin óndirý osy merzim ishinde 3 esege, ıaǵnı 325,7 mlrd. teńgeden 981,2 mlrd. teńgege deıin, mal ónimderin óndirý 5 esege jýyq, ıaǵnı 207,9 mlrd. teńgeden 1,0 trln. teńgege deıin ósti. Sonymen qatar, 2012 jyly mal ónimderiniń úlesi ósimdik ónimderinen asyp túsip, 50,6 paıyzdy qurady.
Mınıstr agroónerkásip kesheni nysandaryn memlekettik qoldaýdyń sharalary men tetikterin túsindirý boıynsha jumystar týraly málimdeı otyryp, AО́K-pen tektes salalardy damytýdyń strategııalyq baǵdarlamalyq qujattaryna túzetýler engizý boıynsha usynystar, sheberlik josparlary, aýyl sharýashylyǵy óndiristeri boıynsha óńirlerdiń mamandaný kartasy daıyndalǵanyn, aýylsharýashylyq ónimderin qaıta óńdeýdiń basymdyqty baǵyttary anyqtalǵanyn, baǵdarlamalardy júzege asyrýdy qamtamasyz etetin normatıvtik-quqyqtyq bazanyń jetildirilip jatqanyn habarlady.
Bul máseleler boıynsha, sondaı-aq, Qostanaı oblysynyń ákimi N.Sádýaqasov, Ońtústik Qazaqstan oblysy ákimi A.Myrzahmetov, «QazAgro» UBH» AQ basshysy D.Aıtjanov, «Shyǵys sút» korporasııasynyń prezıdenti S.Saılaýbaev, «Qazaqstan fermerleri odaǵy» qoǵamdyq birlestiginiń jetekshisi Á.Darınov sóıledi.
Talqylaýdy qorytyndylaı kele, Úkimet basshysy «baǵdarlamany qabyldaı otyryp, biz odan jaqsy nátıjeler kútýge tıispiz», dedi. Osyǵan oraı Premer-Mınıstr Aýyl sharýashylyǵy mınıstrligine múddeli memlekettik organdarmen birlesip baǵdarlamalardyń jańa tetikterin iske qosý úshin qajetti normatıvtik-quqyqtyq aktiler jobalaryn jedel kelisýdi uıymdastyrýdy, aýyl sharýashylyǵyn sektorlar boıynsha, ásirese, ósimdik, mal sharýashylyǵy men veterınarlyq salada damytýdyń sheberlik josparlaryn bekitýdi, sondaı-aq, tıisti qarjylandyrý kózderimen qamtylǵan keshendi jospardy bekitýdi tapsy
