Bul kúnderi Petra Martıch álemdik reıtıngte 15 orynda tur. 29 jastaǵy Splın qalasynyń týmasy byltyr Ýımbldon men AQSh-tyń ashyq birinshiliginde tórtinshi aınalymǵa deıin jetip, Rolan Garrostyń shırek fınalynda óner kórsetti. WTA týrnırinde bir márte top jardy. Dýbaıdaǵy dodada Martıch taıpeılik Se Shýveı, chehııalyq Barbora Strysova jáne estonııalyq Annet Kontaveıt syndy oıynshalardy utty.
Álemdik reıtıngte 19 orynda turǵan Elena Rybakına buǵan deıin amerıkalyq Sofııa Kenın jáne Chehııanyń qos myqtysy – Katerına Sınıakova men Karolına Plıshkovany jolynan yǵystyrdy. Endi jartylaı fınalda jeńiske jetetin bolsa, onda jerlesimiz úzdikter tiziminde 17 orynǵa kóteriledi.
Al kelesi jartylaı fınaldyq saıysta rýmynııalyq Sımona Halep pen amerıkalyq Djennıfer Bredı sheberlik baıqasady. WTA reıtınginde Halep ekinshi orynda tursa, Bredı 52 satyǵa jaıǵasty.
