Osy máselege oraı, ál-Farabı atyndaǵy Qazaq Ulttyq ýnıversıtetiniń hımııa jáne hımııalyq tehnologııa fakýltetinde «Týberkýlez jáne jynystyq jolmen beriletin juqpaly aýrýlar» taqyrybynda tárbıelik is-shara ótti.
Kezdesýge S.Asfendııarov atyndaǵy Qazaq ulttyq medısınalyq ýnıversıtetiniń dosentteri Kúmis О́meshova, Almash Jumabekova men osy ýnıversıtettiń jáne Qazaqstan-Reseı medısınalyq ýnıversıtetiniń stýdentteri shaqyryldy.
S.Asfendııarov atyndaǵy Qazaq ulttyq medısınalyq ýnıversıtetiniń stýdentteri ókpe qurtyna baılanysty suraq-jaýap saıysyn ótkizip, durys aıtqandarǵa syılyqtar berildi. Sonymen qatar Qazaqstan-Reseı medısınalyq ýnıversıtetiniń stýdentteri de ózderi daıyndaǵan qyzyqty materıaldarymen tanystyrdy.
Medısına ǵylymynyń kandıdattary Kúmis О́meshova, Almash Jumabekova bul aýrýlardyń ishindegi eń qaýiptileri: SPID, merez, soz ekendigin jáne onyń juǵý joldaryn túsindirdi. Mundaı juqpaly dertterege árkimdýshar bola bermeıdi. Adamdar óz densaýlyǵyna jiti qarap, moraldyq qaǵıdattary ustanyp júrse mundaı keselderge shyldyqpaıtyndyǵyn jáne odan saqtaný erejelerin aıtyp, stýdentterdi qyzyqtyra tústi.
Kezdesý sońynda ál-Farabı atyndaǵy ýnıversıtetiniń hımııa jáne hımııalyq tehnologııa fakýltetiniń, S.Asfendııarov atyndaǵy Qazaq ulttyq medısınalyq ýnıversıtetiniń jáne Qazaqstan-Reseı medısınalyq ýnıversıtetiniń 4 kýrs stýdentteri bir-birine daıyndaǵan syılyqtaryn tabystady.
