Kezdesý barysynda sport salasyndaǵy mınıstrlikter arasynda yntymaqtastyq týraly kelisimge qol qoıý týraly naqty ýaǵdalastyqqa qol jetkizildi. Sonymen qatar Aqparat jáne qoǵamdyq damý mınıstrligi men Serbııa Respýblıkasy Jastar isteri jáne sport mınıstrligi arasynda qol qoıylǵan jastar saıasaty salasyndaǵy ózara túsinistik týraly memorandým sheńberinde naqty is-sharalar josparyn daıyndaý jáne yntymaqtastyqty keńeıtý suraqtary talqylandy.
Atap aıtqanda, taraptar jyl saıyn ózara negizde jastar úshin jazǵy demalystar uıymdastyrý jáne keshendi sporttyq týrnırler ótkizý múmkindikterin qarastyrdy. Mınıstr Qazaqstanmen ekijaqty qarym-qatynasty joǵary baǵalaı otyryp, onyń vedomstvosyna qarasty barlyq baǵyttar boıynsha seriktestikti ilgeriletýge barynsha yqpaldasatynyn málimdedi.
