Bul sharaǵa bilim salasynyń jetekshileri, «Atameken» ulttyq kásipkerlikti damytý palatasynyń ókilderi, jalpy bilim beretin oqý oryndarynyń dırektorlary, tehnıkalyq jáne kásiptik bilim berý oqý oryndarynyń basshylary, ulttyq taǵamdy zertteýshiler men etnograf mamandar, meıramhana isiniń mamandary, stýdentter qatysty.
Shara barysynda Nur-Sultan qalasy ákimdiginiń Qoǵamdyq tamaqtandyrý jáne servıs kolledji jáne qalalyq Bilim basqarmasyna qarasty №28, 30, 55 jalpy bilim beretin mektepteri birlesip daıyndap jatqan «Umytylǵan ulttyq taǵamdar» jobasy tanystyryldy.
Basqosýda mamandar qazaqtyń umyt bolǵan taǵamdarynyń birqataryn atap, olardy qaıta jańǵyrtýdyń qajettiligine toqtaldy. Tek tabaq tartý dástúrimizdiń ózinde úlken ǵylymılyq jatqanyn aıtyp, bul kúnde kejim tabaq, tóre tabaq, bas tabaq, aıaq tabaq, qos tabaq, syı tabaq syndy tabaq tartý dástúrimizdiń keıbir túrleri umytylyp bara jatqanyn jetkizdi.
