Jarystyń alǵashqy kúni qazaqstandyqtar úshin sátti bastaldy dep aıtýǵa bolady. О́ıtkeni 73 kılo salmaqta beldesken para dzıýdodan halyqaralyq dárejedegi sport sheberi Temirjan Dáýlet týrnırde qarsylas shaq keltirmeı, tuǵyrdyń bıik satysynan kórindi. Otandasymyz jartylaı fınalda álemdik reıtıngte birinshi orynda turǵan nemis balýany Nıkolaı Kornhasty jarys jolynan yǵystyrsa, fınalda ıspanııalyq Gavılan Lorenzony qapy qaldyrdy.
Temirjan Dáýlet – para dzıýdodan halyqaralyq dárejedegi sport sheberi, 2018 jylǵy Parazııada oıyndarynyń qola, 2019 jylǵy Búkilálemdik IBSA oıyndarynyń kúmis júldegeri, 2019 jylǵy Azııa chempıonatynyń jeńimpazy.
