Tanym • 25 Aqpan, 2020

Túrki murasyn túgendegen eńbek

56 ret kórsetildi

Elordadaǵy Ulttyq Akademııalyq kitaphanada uıymdas­tyrylǵan «Tarıhı qundylyqtar jáne Qazaq memlekettiligi» atty semınar aıasynda túrkolog ǵalym Qarjaýbaı Sartqo­jaulynyń úsh tomdyq «Orhon eskertkishteriniń tolyq atlasy» jáne «Zapıskı kazahskogo tıýrkologa» atty týyndy­larynyń tusaýy kesildi.

Mańyzdy sharanyń betasha­r sózin aıtyp, tusaýy kesi­lip jatqan týyndylar jaıly kóp­­shilikti habardar etken L.N.Gý­mı­lev atyndaǵy Eýrazııa ult­tyq ýnı­versıtetiniń rektory Erlan Sydyqov, atalmysh kitaptar ǵa­lymnyń 40 jyldyq ǵylymı iz­denisiniń nátıjesi ekenin atap ótti.

Jalpy, kólemi 120 baspa ta­baq­tan turatyn úsh tomdyq – kóne tarıhymyzdyń kýási, kók túrki­lerdiń tasqa qashap jazǵan mura­larynyń búginge jetken eski kózi ispettes. Bul eńbekte: Eýrazııa kindigi О́týken qoınaýynan bastap, Qııanǵan jotalary, Tıbet taýlary, Ordas dalasy, Qara móren, Kem, Ob darııalarynyń ulan-ǵaıyr alqaby, Alashan qumy qatarly kóne túr­kiniń tabany tıgen jerlerdegi baıyrǵy babalarymyzdyń barlyq mura­lary qamtylǵan. Derekterdiń deni – tupnusqa syzbalar kó­shir­mesi, ejelgi túrkilerdiń – tarıhy, paleoetnografııasy, salt-dástúri, dúnıetanymyn qam­typ, tolyq sıpattalǵan, ǵylymı saraptalǵan dúnıeler kórinedi.

Jınalǵan qaýym aldynda bul týyndylar jaıly baıanda­ma jasaǵan L.N. Gýmılev atyn­daǵy EUÝ-diń shyǵystaný kafe­drasynyń professory, tarıh ǵy­lymdarynyń doktory Tursynhan Zákenuly, atalmysh eńbek etımo­logııa­lyq, dúnıetanymdyq, etno­grafııalyq, tildik turǵydan ult­tyq kózqaras negizinde suryp­talǵan, sonymen qatar buǵan de­ıingi zertteýlerde ji­berilgen 300-ge tarta qate-kem­shilikterdi qal­pyna keltirgen, tolyq túrde  sońǵy ret kásibı uqyptylyqpen qurastyrylǵan asa qundy eńbek ekenin jetkizdi.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar