Aımaqtar • 25 Aqpan, 2020

Aqtaýda «Kóktem-2020» arnaıy tehnıkalyq jattyǵý ótti

340 ret

kórsetildi

1 mın

oqý úshin

2020 jyldyń aldaǵy sý basý mezgiline daıyndyq maqsatynda Aqtaý qalasy aýmaǵynda eldi mekenderdiń qaýipsizdigin aldyn alýda «Aýla aýmaǵy ishinde jańbyr sýynyń basyp ketýinen bolǵan tótenshe jaǵdaılardy joıý» taqyrybynda arnaıy taktıkalyq jattyǵý ótkizildi. Bul týraly Mańǵystaý oblysy Tótenshe jaǵdaılar departamentiniń baspasóz qyzmeti habarlady.

Gúlaıym DÁÝITBAI

Aqtaýda «Kóktem-2020» arnaıy tehnıkalyq jattyǵý ótti

Jattyǵý jospary boıynsha 31B shaǵyn aýdanyndaǵy 14 úıdiń aýmaǵynda aýlada sý basqandyǵy týraly ótinish tústi.

Sodan keıin brıgada TJ joıý úshin sý basý ornyna ketti. «Qala joldary» JShS basshylary tótenshe jaǵdaılar týraly Aqtaý qalasynyń Tótenshe jaǵdaılar basqarmasynyń bastyǵy, azamattyq qorǵaý podpolkovnıgi A. Iskakovqa aýla aýmaǵynyń sý basý jaǵdaıy boıynsha habarlaıdy.

Sý basý ornyna 8 tehnıkasy bar shuǵyl jáne 35 adamnan quralǵan brıgada jiberildi.

Shuǵyl top 7 motopompamen jáne 3 assenızatormen sýdy sorýmen aınalysty. Aýla sý basý jaǵdaıyn ýshyqtyrmaý úshin ınertti materıaldarmen qorshady, sonymen qatar qorshaýdyń tıimdiligin arttyrý maqsatynda qum tóseldi. Sý basý ornyna jedel járdem, AMO, jáne jergilikti polısııa qyzmeti jumyldyryldy.

Mańǵystaý oblysy