Júrgizýshi jyldamdyqty shamadan tys asyryp, polısııa qyzmetkerleriniń toqtaý salǵan zańdy talabyn elemeı, kózden tasa bolýǵa tyrysqan. Aqyr sońy patrýldik polısııanyń 4 ekıpajy júrý baǵytyn buǵattap, júrgizýshi ustaldy.
Qujattardy tekserý kezinde kólik basqarýshy adam men ishindegi jolaýshylar qyzmetkerlerge qarsylyq tanytqan. Kólik ıesi medısınalyq tekserýden keıin, ýaqytsha beıimdelý jáne detoksıkasııa ortalyǵyna jetkizildi. Kólik aıyppul turaǵyna qoıyldy.
Júrgizýshige qatysty QR ÁQK-niń kelesi baptary boıynsha 5 ákimshilik hattama toltyryldy:
613-baptyń 1-bóligi (Kóliktik baqylaý organdary qyzmetkeriniń Qazaqstan Respýblıkasynyń aýmaǵyndaǵy kóliktik baqylaý beketterinde kólik quralyn toqtatý týraly zańdy talabyn oryndamaý),
608-baptyń 1-bóligi (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý,
612-baptyń 1-bóligi (О́zimen birge júrgizýshi kýáligi nemese júrgizýshi kýáliginiń ornyna berilgen basqarý quqyǵyna arnalǵan ýaqytsha kýáligi, kólik quralyna tirkeý jáne zańnamada belgilengen ózge de qujattary joq júrgizýshiniń kólik quralyn basqarýy),
230-baptyń 2-bóligi (Qazaqstan Respýblıkasynyń mindetti saqtandyrý týraly zańnamalyq aktisine sáıkes mindetti saqtandyrý shartyn jasasýǵa mindetti tulǵanyń mindetti saqtandyrý shartyn jasaspaýy),
593-baptyń 2-bóligi (Qaýipsizdik beldikterin nemese motoshlemderdi paıdalaný qaǵıdalaryn saqtamaý).
