Atalmysh jarys «Batys» óńirlik qolbasshylyǵy áskerleri qolbasshysynyń kýbogy úshin jáne naýryz aıynyń basynda Shýchınsk qalasyndaǵy Ulttyq shańǵy ortalyǵynda ótetin Qarýly Kúshterdiń chempıonatyna irikteý aıasynda ótkizildi.
50-den astam áskerı shańǵyshylar on shaqyrymda, al 5 áıel áskerı qyzmetshi bes shaqyrymdyq ara qashyqtyqta synǵa tústi. Jarys jolyna qyzmetshiler áskerı kıim úlgisinde shyqty.
Shańǵy jattyǵýy - áskerı qyzmetkerlerdiń daıarlyǵyndaǵy mindetti elementterdiń biri. Shańǵy tebý – qysqy ýaqyttaǵy kóliktiń eń senimdi quraly, sonymen qatar shańǵymen qozǵalý barysynda tapsyrmany oryndaý jyldamdyǵy birneshe ese artady. Shańǵy jattyǵýlaryndaǵy sabaqtar motorly jáne áskerı-qoldanbaly daǵdylardy qalyptastyrýǵa jáne jetildirýge, tózimdilikti damytýǵa, dene kúshiniń joǵarylaýy aıasynda kúshti arttyrýǵa baǵyttalǵan, - deıdi «Batys» qolbasshylyǵynyń dene shynyqtyrý bóliminiń bastyǵy maıor Medet Qulybekov. Onyń aıtýynsha, tipti Atyraý men Aqtaý garnızondary sııaqty shańǵy tebý úshin qolaısyz aımaqta shańǵyshylar men áskerı qyzmetshilerdiń sany jyl saıyn artyp keledi.
Qıyn kúreste shańǵyshylar arasynda birinshi oryndy Aqtaýlyq leıtenant Sholpan Qojaqulova ıelendi, al serjant Aınagúl Qusmaǵanbetova men aqtóbelik Balnazııa Samekova oǵan az ǵana utylyp qaldy.
Erler arasynda birinshi on shaqyrymdyq qashyqtyqta Beıneýden kelgen áskerı qyzmetshi Eljan Kambalov, ekinshi oryndy Aqtóbelik serjant Talǵat Kenjegarın, úshinshi oryndy aǵa leıtenant Nıkolaı Semerenko aldy.
Komandalyq esepte Atyraý quramasy úshinshi satyǵa, Aqtaý shańǵyshylary ekinshi satyǵa kóterildi, al Aqtóbe shańǵyshylary birinshi orynǵa ıe bolyp, «Batys» óńirlik qolbasshylyǵynyń komandalyq kýbogyn jeńip aldy.
Mańǵystaý oblysy
