Aımaqtar • 26 Aqpan, 2020

Mańǵystaýda esirtki jarnamalaıtyn 24 saıt buǵattaldy

193 ret

kórsetildi

1 mın

oqý úshin

Elbasynyń tapsyrmalaryn júzege asyrý aıasynda ınternet-keńistigine turaqty túrde monıtorıng júrgizilýde. Monıtorıng kezinde jyl basynan beri esirtki quraldary men esirtki túrlerin jarnamalaýmen jáne satýmen aınalysatyn 24 saıt anyqtalyp, olardyń barlyǵy buǵattalǵan. Bul týraly Mańǵystaý oblystyq Polısııa departamenti baspasóz qyzmeti habarlady.

Gúlaıym DÁÝITBAI

Mańǵystaýda esirtki jarnamalaıtyn 24 saıt buǵattaldy

Mundaı saıttardy qurý esirtki quraldaryn nasıhattaý jáne zańsyz jarnamalaý retinde saralanady. Bul úshin QR ÁQBtK-niń 423-baby boıynsha jaýapkershilik qarastyrylǵan, ol boıynsha aıyppul 150-den 700 AEK-ke deıin, ıaǵnı 378 750-den 1 767 500 teńgege deıin.

Esirtkini taratýmen aınalysatyn adamdarǵa keletin bolsaq, olardy 291-bap boıynsha esirtkini taratýmen aınalysqany úshin qylmystyq jaýapkershilikke tartady.

Mańǵystaý oblysy PD Jergilikti polısııa qyzmeti basqarmasymen qalanyń qoǵamdyq oryndarynda 8 graffıtı jazýlar tabylyp, joıyldy .

Qarapaıym turǵyndar bul esirtki jarnamasy ekenin baıqamaıdy. Esirtki tutynýshylar isinen habardar, olar ár túrli messendjerler arqyly esirtki satyp alýǵa tyrysady.

Polıseıler tarapynan turǵyndarǵa esirtki qylmysymen kúreste belsendilik tanytyp, ózderine belgili bolǵan barlyq qylmys faktileri týraly Esirtki qylmysymen kúres jónindegi basqarmaǵa habarlasý qajettigi aıtyldy.

Mańǵystaý oblysy