Seriktestik satyp alý boıynsha Munaıly aýdandaǵy №10 «Aqbota» balabaqshasy arasynda jasaqtalǵan kelisim shartqa sáıkes, atqarylǵan jumystary úshin 545 myń teńgeni tólemeı otyrǵanyn málimdeıdi. Bul týraly atalǵan palatanyń baspasóz qyzmeti habarlady.
Naqty aıtar bolsaq, «Avanpost Sekıýrıtı «Kúzet agenttigi» JShS №10 «Aqbota» balabaqshasy arasynda 01.04.2019 jyly tapsyrys berýshiniń obektisin qorǵaý týraly memlekettik satyp alý sharty jasaqtalǵan. Sharttyń jalpy somasy 1 545 000 teńgeni quraıdy jáne qoldanylý merzimi 31.12.2019 jylǵa deıin.
Búgingi tańda oryndaýshy shart boıynsha óziniń barlyq mindettemelerin tolyq kólemde atqarǵan, alaıda 2019 jyldyń sáýir aıynan bastap qazirgi ýaqytqa deıin tapsyrys berýshi oryndalǵan jumystar úshin 545 myń teńge kóleminde qarajatty tólemeı otyr.
Osynyń saldarynan «Avanpost Sekıýrıtı «Kúzet agenttigi» JShS bıýdjetke salyq tóleý, qyzmetkerlerine jalaqy jáne basqa da qarjylyq mindetterdi oryndaýda qıyndyqqa kez boldy.
Eger de kásipker atalǵan másele boıynsha notarıýsqa júginip, atqarý paraǵyn alyp, ony sot oryndaýshylarǵa bergen jaǵdaıda, balabaqshanyń esepshoty buǵattalyp, qarajat aýdarý operasııalarynyń tolyq toqtaýyna ákeledi. Onyń artynda qyzmetkerlerdiń aı saıynǵy jalaqysy jáne basqa da mańyzdy tólemder jasalmaı qalatyny belgili.
- Atalǵan problemany sotqa deıin retteý maqsatynda, О́ńirlik kásipkerler palatasy barlyq múddeli tulǵalarmen jumys kezdesýin uıymdastyryp, otyrystyń qorytyndysy boıynsha balabaqshanyń ókilderi tapsyrys berýshiniń aldyndaǵy bereshekti 2020 jyldyń 21 aqpanyna deıin tóleıtinin málimdep, ýáde berdi», deıdi óńirlik kásipkerler palatasynyń kásipkerler quqyǵyn qorǵaý jáne ákimshilik kedergilerdi tómendetý bóliminiń 1- sanatty sarapshysy Asylbek Jarylǵasov.
17.02.2020 jyly Dáýlet aýylyndaǵy «Aqbota» balabaqshasy «Avanpost Sekıýrıtı «Kúzet agenttigi» JShS-men atqarylǵan jumystary úshin 545 myń teńge kóleminde qarajatyn aýdarǵan.
Osylaısha, Kásipkerler palatasynyń aralasýymen másele oń sheshildi.
Mańǵystaý oblysy
