Ońtústik Qazaqstan oblysyndaǵy Maqtaaral aýdanyndaǵy oqýshylardyń jartysynyń saýattary óte tómen. Mundaı tujyrym «Sandj» respýblıkalyq saraptaý ortalyǵynan tústi. Bul aýdannyń balalary bilim alýdyń ornyna jumys istep aqsha tabady eken.
Muny ústine, mektep oqýshylarynyń kóbisi tipti eresek adamnyń ózine qıyn túsetin maqta jınaý isimen aınalysatyn kórinedi. Bul faktini muǵalimder de rasqa shyǵaryp otyr. Oqytýshy Gúldana Barahatova sondaı otbasylardyń birin mysalǵa keltirdi. Onyń aıtynsha, ol úıdiń otaǵasy múgedek bolǵasyn tabys tabý mindeti balalarynyń moıynyna artylǵan. Mektep jasyndaǵy balalar nápaqasyn tabý úshin egistik alańdarynda eńbek etedi deıdi.
Balalar quqyǵyn qorǵaý jónindegi basqarma basshysy Ǵalııa Júsipova bul jaǵdaımen aıyppul engizý arqyly kúresýdi, ıaǵnı balalarynyń eńbegin paıdalanǵany úshin olardyń ata-analaryna aqshalaı aıyppul salýdy usyndy.
Mamandardyń málimetterine súıenip, bul másele elimizdiń ońtústiginde ózekti bop turǵanyn atap aıtqymyz keledi. Aıtalyq, bir ǵana Maqtaaral aýdanynyń 5 aýylynda balalar aýyr jumysqa, ıaǵnı maqta jınaýǵa jumyldyrylǵan.
Sultan Bozaıǵyr.
