Jattyǵý jospary boıynsha aýysym bastyǵyna jylytý júıesindegi aqaý boıynsha aqparat kelip tústi. Nátıjesinde keıbir uıymdar jylýsyz kalǵany anyqtaldy. Aýysym bastyǵy «KJSA» MKО́ basshysymen kelisip jáne qajetti qujattardy toltyryp, jedel toppen jóndeý jumystaryn júrgizý úshin jylýdy aıyrdy. «KJSA» MKО́ basshysy, tótenshe jaǵdaı týyndaýyna baılanysty TJB bastyǵy azamattyq qorǵaý podpolkovnıgi Almaz Iskakovqa jylý júıesindegi avarııa týraly bolǵan jaǵdaıdy habarlady.
Oqıǵa ornyna quramynda 6 dana tehnıkasy jáne 13 adamy bar jedel jóndeý brıgadasy jiberildi.
Jedel top jylýdy aıyryp, sonymen qatar ishki júıeniń qatyp qalmaýyn boldyrmaý úshin turbanyń ishin qalǵan sýdan arnaıy qurylǵylarmen tazalady.
Sodan keıin kommýnıkasııalardy kórsetý úshin AÝES, Aqtaýgaz, Qazaqtelekom ókilderi shaqyryldy.
Kommýnıkasııalardy kórsetkennen keıin jerdi qazý jumystary júrgizildi, sonymen birge jylý qudyǵy ashyldy jáne jylytý turbasyn jabyndysy alynyp, jarylǵan magıstraldy turba qubyry tabyldy.
Jarylǵan jerge arnaıy dánekerleý tehnıkasymen avarııalyq brıgada jumyldyryldy, eki saǵat ishinde DÝ273 L-3 metrlik turba aýystyrylyp, jylý berildi. Gıdroızolıasııa arqyly avarııa orny tekserildi, sodan keıin avarııa bolǵan jerdi qaıta qalpyna keltirý jumystary júrgizildi.
Mańǵystaý oblysy
