Reseıdiń Prımore ólkesiniń blogosferasynda sý tasqyny júrip jatqan kezde ártúrli fonda sýretke túsip, fotosessııa jasaǵan belgili balerına Anastasııa Volochkovanyń qylyǵyn aıyptaý jazyldy. Bul týraly «Izvestııa» habarlady.
Blogosferadaǵy synǵa qolma-qol jaýap qaıtarǵan bıshi sý tasqynynyń fonynda sýretke túsý arqyly óziniń problemaǵa jurt nazaryn aýdarýdy kózdegenin málimdedi. «Adamdar, qaıyrymdy bolyńdar! Men jurt nazaryn osy apatqa aýdarǵym keledi. Telekten kórgende onyń alyp jatqan aýqymyn shamaalı almaısyńdar», dep jazypty Volochkova óziniń blogyna.
Balerınanyń Amýr oblysyndaǵy fotosessııasy úlken sý tasqyny júrip jatqan Prıamýre ǵana emes, bıshi budan ári sapar shekpekshi bolyp jatqan Prımore ólkesiniń blogerleriniń de narazylyqtaryn týǵyzyp jatqanǵa uqsaıdy.
Al Anastasııa Volochkova óziniń mıkroblogynda fotosessııany sý tasqynynan zardap shegip jatqan aýdandarda jasap, óziniń Instagram áleýmettik jelisindegi betke salyp qoıǵanyn habarlapty.
«Volochkova hanym ushaqtyń trapynan túsip kele jatqan boıda qolyna qaıla men kúrek ustatyp, oblystyń soltústik aýdandaryndaǵy toǵan salý jumystaryna jegip qoıý kerek edi», dep jazady fotosessııany paıdalanýshy Vladıvostok turǵyny vladim.73. Túsip jatqan osy mazmundas hattar kóp-aq
Murat Aıtqoja.
