Otyrys Oljas Ábishevtyń tóraǵalyǵymen ótken bolatyn. Basqosýda «Áleýmettik medısınalyq saqtandyrý qory» KEAQ Mańǵystaý oblysy boıynsha fılıaly dırektory Rýslan Bektýbaev baıandama jasady. Onyń aıtýynsha, buǵan deıin 5 medısınalyq mekemeniń MÁMS júıesine daıyndyq jumystaryna monıtorıng júrgizilip, birqatar ózekti máseleler anyqtalǵan. Búgingi tańda atalǵan máselelerdiń kópshiligi sheshilgen, aldaǵy ýaqytta qarajat pen ýaqytty qajet etetin máseleler óz sheshimin áli de tabady dep kútilýde. О́zin-ózi jumyspen qamtyǵan azamattardy ózektendirý jumystary búginde mańyzdy. Aqpannyń 18-i kúngi sanaqqa sáıkes, Mańǵystaý oblysy boıynsha 9325 adam ózektendirilmegen. О́ńirde sońǵy 12 aıdaǵy jumysshylar sany – 207 060, al sońǵy 3 aıda – 163 446. Demek, 43 614 adamnyń statýsy ózgerip otyr, onyń 20 889-y jeńildigi bar sanatqa aýysqan.
Barlyq aıtylǵan usynystar men pikirler eskerilip, oryn alǵan kemshilikterdi joıý qajettigi aıtyldy. Otyrys sońynda QR Densaýlyq saqtaý vıse-mınıstri Oljas Ábishev medısınalyq uıymdardyń basshylaryna birqatar naqty tapsyrmalar berdi.
Mańǵystaý oblysy
