Andreı Lavrentevtiń aıtýynsha, byltyr elimizdegi zaýyttarda 50 myńnan astam temir tulpar qurastyrylypty. Keler jylǵa deıin bul kórsetkishti 100 myńǵa jetkizý kózdelgen.
Qazaqstan avtobıznes qaýymdastyǵynyń tóraǵasy:
– Barlyq jumystar keshenin esepteı kele, 100 myń kólik shyǵarýǵa bolady dep sanaımyz. Qazirgi tańda Úkimet bizge loýkost-kólikter óndirisin shyǵarý mindetin júktep otyr. Osyndaı bir avtokóliktiń quny 3 mln teńgeden aspaýǵa tıis. Buǵan qatysty qosymsha memlekettik baǵdarlamalar qurylady. Bul kólikterdi nesıege jáne lızıngke berý de josparlanyp otyr. Osynyń bárin eskersek, jylyna 100 myń temir tulpar óndirýge qaýqarymyz jetedi,–deıdi.
