Komıssııa quramyna Parlament Májilisiniń depýtattary, atqarýshy organ ókilderi, respýblıkalyq jastar uıymdarynyń kóshbasshylary jáne belsendi jastar kirdi.
Otyrysta Densaýlyq saqtaý vıse-mınıstri Nadyrov Kamaljan, Parlament Májilisiniń depýtaty Álııa Saparova men komıssııa tóraǵasy Juldyz Omarbekova sóz sóıledi.
Kún tártibinde elimizdegi jastardyń densaýlyq jaǵdaıy máselesi talqylandy. Atap aıtqanda, jastar arasyndaǵy áleýmettik-mańyzdy máselelerdiń aldyn alý: sýısıd, abort, týberkýlez, erte júktilik jáne t.b.
Joǵaryda kórsetilgen máseleler boıynsha monıtorıng Jas Otan Jastar qanatymen birlesip ótkizildi.
Densaýlyq saqtaý vıse-mınıstri tap ótkendeı, densaýlyq saqtaý salasyn damytýdyń 2020-2025 jyldarǵa arnalǵan memlekettik baǵdarlamasynyń basym mindetteriniń biri - jastardyń densaýlyǵyn nyǵaıtý boıynsha keshendi sharalardy iske asyrý. Memlekettik baǵdarlama sheńberinde mektep psıhologtaryn; BMSK mektep medısına qyzmetkerlerin jasóspirimder arasynda sýısıd qaýpin erte anyqtaý úshin oqytý; elimizdiń 17 óńirinde jasóspirimder arasynda sýısıdtiń aldyn alý jónindegi baǵdarlamany engizý; psıhıatrııalyq kómek kórsetýdi jetildirý; DDU-nyń «densaýlyqty nyǵaıtýǵa yqpal etetin mektepter», «Salamatty ýnıversıtetter» jobalaryn odan ári engizý josparlanǵan.
