Aımaqtar • 26 Aqpan, 2020

Korporotıvtik eriktilik: Qarııalarǵa medısınalyq jáne quqyqtyq turǵydan kómek kórsetildi

22 ret kórsetildi

Búgingi kúnge deıin elimizdiń ár túpkirinde ornalasqan áleýmettik qyzmet kórsetý ortalyqtaryna áleýmettik qoldaý men qaıyrymdylyq jasaý sharalary birjaqty sıpat alyp kelgeni jasyryn emes. Olarǵa múddeli uıymdar men janashyr azamattar tarapynan negizinen azyq-túlik pen kıim-keshek taýarlary joldanyp kelgeni belgili. Qaıyrymdylyq baǵytyndaǵy isterdi tek munymen shekteı salýdyń azdyq etetindigin áleýmettik ómirdiń ózi aıqyndap berip otyr.

Osy oraıda, memlekettik qyzmet isteri Aqtóbe oblystyq departamenti ujymy aıryqsha bir is-sharaǵa bastamashy bola bildi. Iаǵnı, atalǵan departament qyzmetkerleri Aqtóbedegi áleýmettik qyzmet kórsetý ortalyǵynda ornalasqan qarııalarmen jáne múgedektermen kezdesý kezinde korporotıvtik eriktilikti damytý qaǵıdattaryna sáıkes olarǵa medısınalyq jáne quqyqtyq turǵydan kómek kórsetýge basymdyq berdi.

Bul jóninde basqosýǵa arnaıy shaqyrylǵan memlekettik mekeme mamandary mundaǵy jandardy tolǵandyryp júrgen máselege qatysty mándi de maǵynaly áńgimeler qozǵady. Árkim óziniń quqyn jaqsy bilse, kez kelgen kók attyǵa jem bolmaıdy. О́mirdiń qarapaıym zańdylyqtary barshaǵa, kópke ortaq. Onyń aıaqasty bolmaýy, buzylmaýy shart. Bul baǵytta aıtylǵan oı pikirler men tujyrymdar quqyqtyq kómekke muqtaj jandardyń júrekterine jetkendeı áser qaldy kókeıde.

Aıtalyq, qazirgi kezde ekiniń biri muragerlik pen jyljymaıtyn múlikti tirkeý jáne ómirdiń ózi qajet etken ózge de rásimderdiń qalaı júrgiziletinin bile beremeýi múmkin. Bul jóninen de zańgerler ortalyq turǵyndaryna qarapaıym túrde túsinikti jaýaptar qaıtardy.

Shyntýaıtyna kelgende ortalyqtaǵylar osyndaı ózekti saýaldardyń qyr-syryna qanyǵýy úshin tıisti mekemelerge arnaıy baryp júrýine múmkindikteri bola bermeıtini belgili.

Bul rette ádilet organdary men Densaýlyq saqtaý basqarmasy, Memlekettik korporasııa ókilderi jáne Memlekettik basqarý akademııasynyń Aqtóbe oblystyq fılıaly qyzmetkerleriniń memlekettik qyzmet isteri departamentiniń ótinishine sáıkes ortalyqqa arnaıy kelýi kóp máseleniń túıinin tarqatyp berdi deýge tolyq negiz bar.

 

AQTО́BE

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar