Jalǵyz qolmen jıhaz jasaıdy

Biraq taǵdyrdyń bul qatal synyna moıyǵan Táýbahan joq. Qazir ol jalǵyz qolmen jı­hazdyń oryndyq, ústel sııaq­ty túrlerin jasaıdy. Bul ónerdi bala kezinde ákesinen úırengen. Úsh saýsaqpen aǵash­ty aralap, odan keıin ony súrgilep, jymdaı qylyp qurastyryp buıym jasaý aıtqanǵa ǵana ońaı. «Árıne, – deıdi ol, – qıyndyqsyz is bol­maıdy. Keıde qolymnyń qa­rysyp qalatyny bar. Mun­daı kezderde kóńilimdi kóterý úshin án aıtamyn. Shynyn aıtqanda, kádimgideı tyńaıyp, sergip qalamyn».

Táýbahannyń qolynan aıaq kıim jóndeý de keledi. Jal­py, ol jumyssyz otyrǵandy unat­paıtyn jan. Kerek bolǵan je­rinde úı sharýasyna da aralasyp ketedi. Jumys iste­gen kezinde janynan shyq­paı­tyn balalarǵa ónegeli áńgime aıtyp, aqyl-keńes berip otyrýdy da umytpaıdy.

«Keıde ózderi túk iste­meı, memleketten qol ja­ıyp kómek suraı beretinderge tańǵalamyn. Teledıdardan on eki múshesi saý jastardyń bos sendelip, araq iship, bir-birimen tóbelesip jatqanyn kórgenimde, ishim ýdaı ashıdy. Solarǵa qarap otyryp, ózimniń sú­ıik­ti isimmen aınalysyp júr­genime táýbe deımin», dep syr aqtarady ol. Qazir Táý­ba­handy tap­sy­rys­tyń astynda dep aıta almaı­syń. Biraq ózine jeter­lik­teı jumysy bar. Eń bas­ty­sy, ol ózine unaıtyn jáne qolynan keletin ispen aına­lysady. Sheber eń birinshi ke­zek­te sapaǵa mán beredi eken. Bir oryndyqty birneshe kún isteýi bar, ábden kóńilden shy­ǵatyndaı bolyp bitkenshe ty­nym tappaıtyny da sodan.

Táýbahannyń qolynan aǵash­­­tan buıym jasaý ǵana ke­­­le­di deseńiz, qatelesesiz. Onyń áýeletip án aıtatyn da óneri bar. Tipti, aýdandyq, ob­lystyq deńgeıdegi konkýrs­tarda jeńimpaz bolǵan. Sodan soń qoly qalt etkende shah­mat oınaǵandy una­ta­dy. Qar­sy­lastarynyń bá­rin qı­ra­typ jeńbese de, shar­shy taqta be­tinde talaı­dy ty­ǵy­ryq­qa tireıtin qabi­let-q­a­ry­my bar. Buǵan dá­lel – aýdan­dyq ja­rys­tarda alǵan júl­deleri.

Táýbahan Ońalhan syndy jandardyń táýbasyn umytqan kóp adamǵa oı salyp, ómirge basqasha kózben qaraýǵa yqpal eteri sózsiz. Iá, qaraǵaıǵa qar­sy bitken butaqtaı mundaı qaı­sar adamdar músirkeýdi qa­jet etpeıdi, qaıta olardyń qaıt­pas rýhyn muqym elge úlgi etý kerek shyǵar!

Qaraǵandy oblysy,

Osakarov aýdany