Qazaqstan • 27 Aqpan, 2020

Qyzylorda-Horezm: Birikken bastamanyń bereri kóp

285 ret kórsetildi

Qyzylorda oblysynyń ákimi Qýanyshbek Ysqaqov «Agroónerkásiptik kooperasııa, ónerkásip jáne týrızm salasyndaǵy aımaqtyq bıznestiń yntymaqtastyǵy» taqyrybynda ótken Qazaqstan men О́zbekstan arasyndaǵy II halyqaralyq aımaqaralyq yntymaqtastyq forýmyna qatysty.

Horezm oblysy Úrgenish qalasynda ótken forým aıasynda bıznes ókilderiniń B2B kezdesýleri, keńeıtilgen otyrys jáne eki memleket taýar óndirýshileriniń kórmesi uıymdastyryldy.

Kezdesý barysynda saýda-ekonomıkalyq, ınvestısııalyq, aýyl sharýashylyǵy, tranzıttik-kólik, sý-energetıkalyq, toqyma, mashına jasaý, týrıstik, ekologııalyq salalarda yntymaqtastyqty ári qaraı damytý máseleleri týraly aıtyldy. 

Kezdesý barysynda Qyzylorda oblysynyń ákimdigi men О́zbekstan respýblıkasy Horezm oblysynyń hokımaty arasynda ózara yntymaqtastyq týraly memorandýmǵa qol qoıyldy. Kelisim eki el arasyndaǵy qazirgi dostyq qatynastardy nyǵaıtý, sharýashylyq qyzmet sýbektileri arasynda tikeleı baılanystar ornatý jáne uzaq merzimdi ekonomıkalyq, ǵylymı-tehnıkalyq, mádenı, iskerlik, saýda qatynastary men baılanystardy damytýdy kózdeıdi. Munan bólek Qyzylorda oblysynan arnaıy barǵan ındýstrııalyq- ınnovasııalyq damý, kásipkerlik jáne týrızm basqarmalary jergilikti kásipkerlermen jáne memlekettik organ ókilderimen kezdesip, ortaq jobalardy júzege asyrý maqsatynda kelissózder júrgizdi.

25 aqpanda bastalǵan forým aıasynda óńir ónimderinen arnaıy kórme uıymdastyryldy. Bul sharaǵa  Qyzylorda oblysynan  «Abzal ı K», «Araltuz» AQ, «Gejýba Shıeli Sement Kompanııasy» JShS, «Smart Rabber» JShS jáne  «RZA» AQ  ókilderi qatysty. Kórmege kúrish, azyq-túlik, sement ónimderi, tamshylatyp sýarý qubyrlary men sút ónimderi qoıyldy.

Horezmdik kásipkerlerdiń bir toby Shıeli aýdanynda jemis aǵashtaryn  ósirýge ynta bildirip otyr.

Sonymen qatar mıneraldy tyńaıtqyshtar shyǵaratyn kásiporyn ókilderi Syr dıqandaryn mıneraldy tyńaıtqyshtarmen qamtamasyz etýge daıyn. 

Aımaq basshysy Qýanyshbek Dosmaıyluly ortaq jobalardy júzege asyrý úshin ınvestorlarǵa qajetti qoldaý kórsetiletinin aıtty. 

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar