«Atalǵan memlekettik járdemaqyny engizý Memleket basshysynyń aǵymdaǵy jylǵy 2 qyrkúıektegi Qazaqstan halqyna Joldaýynda aıtylǵan tapsyrmasy boıynsha Qazaqstan Respýblıkasy Eńbek jáne halyqty áleýmettik qorǵaý mınıstrligi ázirlegen ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń negizgi úsh baǵytynyń biri bolyp tabylady. Memlekettik járdemaqy 4 nemese odan da kóp kámeletke tolmaǵan nemese 23 jasqa deıingi kúndizgi bólimde oqıtyn balalary bar barlyq kópbalaly otbasylarǵa tabysyna qaramastan tólenedi dep josparlanýda. Memlekettik járdemaqynyń mólsheri bala sanyna qaraı saralanady. Iаǵnı, 4 balasy bar otbasylarǵa 42 500 teńge, 5 balaǵa 53 125 teńge, 6 balaǵa 63 750 teńge, 7 jáne odan da kóp balalarǵa 74 375 teńge tólenedi», dedi Olga Katılevskaıa.
Aıta keterligi, departament basshysynyń orynbasary «Altyn alqa», «Kúmis alqa» alǵan nemese buryn «Batyr ana» ataǵyn alǵan jáne «Ana dańqy» ordenimen marapattalǵan kópbalaly analarǵa jeke memlekettik járdemaqy tólenetinin de jetkizdi. Olardyń ortasha mólsheri 16 160 teńgeni quraıdy. Jambyl oblysynda ony 20 myńǵa jýyq áıelder alady. Bul memlekettik járdemaqynyń tólenýi saqtala beredi.
Jambyl oblysy
