Aımaqtar • 28 Aqpan, 2020

Baýyrjan Baıbek Qyzylorda oblysynyń turǵyndarymen kezdesti (vıdeo)

300 ret kórsetildi

Elbasynyń tapsyrmasy boıynsha Baýyrjan Baıbek aımaqtardy aralaýdy jalǵastyrýda. Qyzylorda oblysyna jumys sapary kezinde ol Shıeli jáne Jańaqorǵan aýdandarynyń turǵyndarymen kezdesti.

О́ńirdiń aýyl sharýashylyǵyn negizinen kúrish ósirý salasy quraıdy. Shıeli aýylynda «Nur Otan» basshylyǵymen kezdesýde sharýa qojalyqtarynyń jetekshileri osy salany sýbsıdııalaý, ony ártaraptandyrý jáne sýarmaly jer kólemin ulǵaıtý máselelerin kóterdi. Partııa Tóraǵasynyń Birinshi orynbasary atalǵan máselelerdiń sheshimi ázirlenip jatqan osy aýdandardy damytýdyń 5 jyldyq baǵdarlamalarynda kórinis tabatynyn atap ótti.

«Turǵyndar birinshi kezekte 16 myń gektardan astam kúrish alqabyn sýarýǵa paıdalanyp otyrǵan Áıtek strategııalyq sý torabyn jańǵyrtý jaıyn alǵa tartty. Salalyq mınıstrliktiń sý resýrstary komıteti basshylyǵynyń aıtýynsha, bıyl joba-smetalyq qujattama ázirlengennen keıin torapqa jóndeý jumystaryn bastaý josparlanýda. Osy jumystardyń oryndalý qarqynyn aýyl turǵyndarymen birge «Nur Otan» partııasy baqylaıtyn bolady», dep jazdy Twitter paraqshasynda Baýyrjan Baıbek.

О́ńirge jumys sapary barysynda partııa Tóraǵasynyń Birinshi orynbasary Jańaqorǵan aýdany Birlik aýylynyń turǵyndarymen kezdesti. Ortalyqtandyrylǵan gazben qamtýdyń joqtyǵy 2,7 myńǵa jýyq adam ómir súrip jatqan eldimekenniń – negizgi problemasy.

«Nur Otan» partııasy Elbasynyń óńir turǵyndarynyń ómir súrý sapasyn jaqsartý jónindegi tapsyrmalarynyń oryndalýyna monıtorıng júrgizýde.  О́tken jyly partııa Sezinde Nursultan Nazarbaev «Qutty meken» partııalyq jobasyna bastamashy bolyp, aldaǵy birneshe jylda 1 mln-nan astam qazaqstandyqty gazben qamtý  jóninde tapsyrma berdi. Jergilikti bıliktiń málimetine júginsek, 400-den astam turǵyn úıdi gazben qamtý úshin jobalyq-zertteý jumystary júrgizilip,  jobalyq smetalyq qujattama ázirleýge qarjy bólinipti. Aýyldy 2021 jyly gazben qamtamasyz etý kózdelip otyr», dedi ol.

1

Turǵyndar óz kezeginde taǵy bir áleýmettik másele – aýyldaǵy jalǵyz balabaqshada oryn jetispeýshiligin alǵa tartty. 1974 jyly salynǵan «Qyzǵaldaq» mektepke deıingi mekemesi 65 orynǵa ǵana eseptelgen. Al, kezekte 115 bala tur. Aýdan ákiminiń aıtýynsha, kóktemde memlekettik-jeke seriktestik sheńberinde balabaqshaǵa arnalǵan jańa ǵımarattyń jumysy bastalady. Jyl aıaǵyna deıin aıaqtaýǵa ýáde berip otyr. Partııa tóraǵasynyń Birinshi orynbasary nysannyń belgilengen merzimde tapsyrylýyna jáne eń bastysy, jumystardyń sapaly atqarylýyna «Nur Otan» turǵyndarmen birge baqylaý júrgizetinin aıtty.

Sodan keıin Baýyrjan Baıbek partııanyń belsendi múshelerimen jáne «Nur Otan»-nyń jańa jaqtastarymen birneshe kezdesý ótkizdi. Keshke qaraı partııanyń qoldaýymen uly Abaıdyń 175 jyldyq mereıtoıyna oraı Syr elinde ótip jatqan «Abaı jolymen» atty respýblıkalyq aıtysty tamashalady.

Bul – partııanyń muryndyq bolýymen Abaıǵa arnalyp ótip jatqan ekinshi aıtys. Bıylǵy sóz saıysynyń betashary elordada «Adamzattyń alyby – hakim Abaı» atty alaman aıtyspen ashylǵan bolatyn. Endi ol Syr elindegi óner dodasyna ulasty.

Aıtysty belgili aqyn, aıtys janashyry Júrsin Erman júrgizip, jyr alamanyna Serik Qusanbaev, Aıbek Qalıev, Ásem Erejeqyzy, Muhtar Nııazov, Meıirbek Sultanhan bastaǵan on eki aqyn qatysyp, baq synady.

Partııa Tóraǵasynyń Birinshi orynbasary kórermenderge arnap óz lebizin bildirip, tól ónerimiz – aıtystyń mańyzyna toqtaldy.

«Sóz barymtasynda Abaıdyń asyl oılary men arman-ańsary, qundylyqtary men izgi murattary azýly aıtyskerlerimizdiń jyryna arqaý boldy. О́skeleń urpaqtyń boıyna kemeńger Abaı ósıetindegi jasampazdyq rýhty sińirý – halqymyz úshin de, sol halyqtyń amanatyn arqalaǵan «Nur Otan» úshin de eń negizgi maqsat. Saıası uıymymyz úshin aıtysty qoldaý – ulttyq ónerge degen qamqorlyqpen qatar, halqymyzdyń muń-muqtajynan tikeleı aqparat alýdyń, elge jaqyn bolýdyń joly.

Bıyl dana Abaıdyń 175 jyldyǵyna oraı respýblıkalyq, oblystyq jáne aýdandyq deńgeıdegi 20-ǵa jýyq aqyndar aıtysy ótedi dep josparlanýda. Odan bólek, Ábý Nasyr ál-Farabıdiń 1150 jyldyǵyna jáne Uly Jeńistiń 75 jyldyǵyna arnalǵan aqyndar aıtystary uıymdastyrylady», dedi Baýyrjan Baıbek.

Alaman aıtystyń bas júldesi belgili aqyn, «Altyn dombyranyń» eki dúrkin jeńimpazy Muhtar Nııazovqa buıyrdy. Al birinshi oryndy batysqazaqstandyq Jansaıa Mýsına ıelense, ekinshi oryndy Ásem Erejeqyzy enshiledi. Úshinshi oryndy Meıirbek Sultanhan men Aıbek Qalıev aldy.

Eske sala keteıik, Elbasy tapsyrmasy boıynsha «Nur Otan» partııasy birneshe aıdan beri ortalyq jáne jergilikti atqarýshy organdarmen birlese otyryp, aldaǵy 5 jylǵa aýdandardy, qalalardy jáne oblystardy damytýdyń jańa baǵdarlamasyn ázirleý jumystaryn júrgizip jatyr. Atalǵan baǵdarlamalarda árbir jekelegen óńirdiń jergilikti erekshelikteri eskerilip, azamattardyń naqty qajettilikteri kórinis tabatyn bolady. Osy jumystardyń aıasynda «Nur Otan» partııasynyń basshylyǵy elimizdiń barlyq óńirin, tipti shalǵaı eldi mekenderine deıin aralap shyǵady.

Sońǵy jańalyqtar

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Aýdandy 100 paıyz gazben qamtý mindeti tur

Aımaqtar • 22 Qańtar, 2021

Uqsas jańalyqtar