Qarjy mınıstrliginiń taldaý aqparatyna sáıkes, qarjylandyrý eki oblys arasynda bólinetin bolady. Soltústik Qazaqstan oblysyn jańa meken-jaı retinde tańdaıtyndar 4,8 mlrd teńge alady. 3,7 mlrd teńge Pavlodar oblysyna baǵyttalmaq.
Budan basqa, erikti túrde qonys aýdarý baǵdarlamasy boıynsha bes aımaqqa 1,6 mlrd teńge bólindi. Eń úlken soma Pavlodar oblysyna jiberiledi – 702,4 mln teńge. Soltústik Qazaqstan oblysyna 382,2 mln teńge. Sondaı-aq Qostanaı oblysy 256,8 mln teńge jáne Shyǵys Qazaqstan oblysy 237,1 mln teńge alady. Eń az qarajat Aqmola oblysyna josparlanǵan – nebári 24 mln teńge.
Sonymen qatar Qazaqstanda eńbek naryǵyn damytýǵa jalpy 18,3 mlrd teńge baǵyttalady. Eń úlken úles Túrkistan oblysyna tıesili – 3,7 mlrd teńge. Sondaı-aq, 8,4 mlrd teńge áleýmettik qyzmetkerlerdiń eńbekaqysyna qosymsha tólem transfertterin quraıdy.
Jalpy, 2020 jyly "Eńbek" nátıjeli jumyspen qamtýdy jáne jappaı kásipkerlikti damytý memlekettik baǵdarlamasyn iske asyrýǵa respýblıkalyq bıýdjetten 26,8 mlrd teńge qarastyrylǵan. Osyǵan deıin oralmandar Qazaqstannyń qaı óńirine baratynyn ózi tańdaıdy degen pikir basym bolyp kelgen. Sondyqtan teń jartysy Almaty, Jambyl, Ońtústik Qazaqstan jáne Mańǵystaý oblystaryna shoǵyrlandy. Bul oblystarda turǵyn sany onsyz da kóp. Jumys, baspana máselesin sheshý qıyndaý. Sondyqtan oralmandar ońtústikke qonystanǵanymen, odan keıingi turmys-tirshiliginde qıynshylyqtar týdy. Ekinshiden, oralmandarǵa bul oblystarda baspanaly bolýǵa, sharýashylyqpen shuǵyldanýǵa múmkindik mol. Bul rette oralmandardyń shyqqan jeri de eskerilip otyr. Mysaly, Qaraqalpaqstan men Túrikmenstannan keletin oralmandar negizinen Mańǵystaý oblysyna shoǵyrlandy. О́ıtkeni kóbiniń osy jerdegi turǵyndarmen týystyq baılanystary bar. Týystarynan tym alysqa uzaǵysy kelmeıtin oralmandar narazy bolýy da múmkin. Sondyqtan olardyń Atyraý, Batys Qazaqstan oblystaryna barýyna múmkinshilikteri bar. Biraq bulardyń barlyǵy da – shekaralyq oblystar.
Jýrnalısterdiń «shekaralyq oblystar» degen tirkeske basymdyq berýiniń salmaqty sebebi bar. Sebebi el ishinde, qazaq basylymdarynda, qazaq kóshin soltústik óńirlerge qaraı buratyn kez keldi» degen pikir kópten aıtylyp júrgen. Bul – bir. Ekinshiden, shekarasyn jergilikti ult ókilderiniń qarasyn kóbeıtý arqyly bekitip jatqan eldiń alǵashqysy da, sońy da biz emespiz.
Demek, Úkimet, bılik bul sheshimi arqyly kóptiń múddesine kelgende qalǵyp kete almaıtynyn, qoǵamdyq pikirdi qajet kezinde qaperge alyp júretinin kórsetti.
Esterińizge sala keteıik, buǵan deıin 2020 jyly Qazaqstanda 32,8 myń sýbsıdııalanatyn jumys orynyn qurýǵa 12 mlrd teńge jumsalatynyn habarlaǵan bolatyn.
Sonymen qatar qazaqstandyqtar jumyspen qamtý baǵdarlamasynyń tıimdiligine alańdaýshylyq bildirýde.
