Antalııa tatamıinde álemniń 16 elinen kelgen 2003-2005 jyly týǵan 515 dzıýdoshy baq synasty. Eýropa kýbogynda 60 kılo salmaqta beldesken otandasymyz Mereı Marhanbetov jarysta qarsylas shaq keltirmeı, tuǵyrdyń bıik satysynan kórindi. Oljas Ergenǵabov (60 kg), Nuraılym Sársenbek (40 kg), Arýjan Erejepova (52 kg) men Shapaǵat Dáýlet (57 kg) fınaldyq saıysta súrinip, kúmiske qol jetkizdi. Al Oljas Qumar (55 kg), Nursultan Zaızaǵalıev (66 kg) pen Ádil Abdýahatov (73 kg) qola júldeni qanaǵat tutty. Jalpy komandalyq esepte Qazaqstan quramasy 3-orynǵa jaıǵasty.
