Halyqaralyq týrnırge álemniń 15 elinen 750-ge jýyq sportshy qatysqan. Onyń ishinde Mańǵystaý qurama komandasynan 18 jasqa deıingi 10 jáne 18 jastan joǵary 2 sportshy bar. Mańǵystaýlyq Kekýshınkaı Karateshiler respýblıkanyń namysyn qorǵap, álemdik deńgeıde 8 júlde ıelendi.
1 oryndy Joldybaı Beıbarys pen Smaǵul Nursultan ıelense, Orynbasarov Bekzat, Amankan Qydyrjan, Bolatov Bekarys 2 orynnan kórindi, al Baqytuly Saıat, Myrzaǵalı Bekǵalı, Saǵyndyq Hamza 3 oryn tuǵyrynan kórinip, elimizdiń kók baıraǵyn kókke kóterdi.
-Árbir kúnin zor daıyndyqpen ótkizetin sportshylarymyz úshin Japonııadaǵy jarys – alǵa umtyla túsýge yntalandyra túsedi dep oılaımyn. Jas sportshylardyń alda alar asýy kóp ekendigine senimdimin, deıdi Mańǵystaý oblystyq dene shynyqtyrý jáne sport basqarmasy baspasóz hatshysy Ulbolsyn Mektepqyzy.
Mańǵystaý oblysy
