Bir aı ishinde atalmysh aýdan «Baqytty Otbasy» ortalyǵynda, «Analar» Qolóner Ortalyǵynda, «Busines INCUBATOR» qoǵamdyq fabrıkasynda, «RAHYM», «ISKER» áleýmettik ortalyqtary men basqa da áleýmettik ortalyqtarda qoǵam belsendilerimen kóp balaly analar ashqan shaǵyn bıznes nysandaryna saıahat shegip, ashyq kezdesýler ótkizedi. Áleýmettik qoldaýǵa muqtaj otbasylarǵa qoldaý kórsetý maqsatynda keń kólemdi demonstrasııalyq sharalar josparlanǵan.
«Baqytty Otbasy» baǵdarlamasynyń tujyrymdamasy kóp balaly otbasylar men az qamtylǵan analardyń máselelerin sheshýde óz tıimdiligin kórsetip otyr, bul jumys bir kúndik emes.
Kásiptik baǵdar berý ortalyǵynda tiginshilik kýrstary, úı jabdyqtarynyń ulttyq atrıbýttary, salon qyzmetteri, toqý, aıkýne, quraq quraý, tigin sheberligi negizderi, tamaq ázirleý, kondıterlik taǵamdar men balalarmen jumystaǵy eń tanymal mamandyqtar anyqtalǵan.
Uıymdastyrýshylar aksııa aıasyndaǵy is-sharalarǵa kelgen qala turǵyndarynyń óz otbasylaryn asyrap, balalaryna bar jaqsylyqtaryn jasap otyrǵan áıeldermen tanysqanyn qalaıdy.
Bul jobany úlken merekemen márege jetip, baǵdarlamada balalar shyǵarmashylyǵy festıvali, analarǵa arnalǵan ónimder jármeńkesi, qazaqstandyq estrada juldyzdarynyń qatysýymen korytyndylanady. Mereke 29 mamyrda Respýblıka saraıynda ótedi.
Almatyda 70 myńdaı balany tárbıelep otyrǵan 24 myńnan astam áleýmettik az qamtylǵan otbasy tirkelgen, olardyń ishinde 14,6 myńy balaly. Áleýmettik zertteýler kórsetkendeı, qazirgi qoǵamdaǵy kóp balaly jáne az qamtylǵan otbasynyń kóptegen problemalary bar, olardyń kópshiliginde ýákiletti uıymdar bóletin jeńildikter men kómek, memlekettik kepildikter, qyzmetter, baǵdarlamalar men is-sharalar týraly aqparat jetkiliksiz.
Osyǵan baılanysty uıymdastyrýshylar barlyq qoǵam múshelerin, BAQ pen blogerlerdi atalmysh naýqannyń seriktesi bolýǵa úndep otyr.
ALMATY
