Ál-Farabı atyndaǵy Qazaq ulttyq ýnıversıtetiniń magıstranttary ǵylymı ortalyqta ǵylymı jetekshilermen tanysty. Erkin áńgime barysynda magıstranttarymyz Malaızııanyń joǵary oqý oryndarynda oqý erekshelikteri týraly tómendegideı áserlerimen bólisti.
Kýala-Lýmpýrdaǵy Malaı ýnıversıteti (UM) Malaızııanyń baıyrǵy ýnıversıteti. Ol qazirgi ýaqytta QS World University Rankings reıtıngisinde 114 orynda tur. Munda álemniń 85 elinen úsh myńnan astam sheteldik stýdent bilim alyp otyr. Munda jańa oqý korpýstary ornalasqan. Demalý, sportpen shuǵyldaný úshin barlyq jaǵdaı jasalǵan. Sport ortalyǵy olımpıadalyq basseınimen birdeı, sondaı-aq kóshede de, úı-jaılarda da sporttyq korttar bar.
Ýnıversıtet kitaphanasynyń kitap qory bir mıllıon tórt júz myńnan asady. Ýnıversıtette alpystan astam zertteý ortalyǵy, eki kórkem galereıasy jáne kitap dúkeni bar. Ýnıversıtet 12 fakýltetke bólinedi, onyń ishinde stomatologııalyq, zań jáne pedagogıkalyq fakýltetter bar. Oqý baǵdarlamalarynyń arasynda bazalyq kýrstar, dıplom alý baǵdarlamalary, sondaı-aq bakalavrıat, magıstratýra jáne doktorantýra bar.
Ýnıversıtet jaqsy bilim berýge baǵyttalǵan. Munda stýdentterdiń shyǵarmashylyq jáne ǵylymı izdenisteri úshin eń qolaıly jaǵdaılar jasalǵan. Barlyq pánder, josparlar men sabaq baǵdarlamalary zamanaýı naryqta básekege qabiletti bolý úshin qajetti daǵdylar men iskerlikti qalyptastyrý maqsatynda jasalǵan. Ýnıversıtet baǵdarlamalary modýldik negizde jasalady. Bul stýdentter úshin óte yńǵaıly. Olar Nottıngemdegi baǵdarlamalarmen birdeı jáne oqý aıaqtalǵannan keıin oqý júrgizilgen jerge qaramastan, Nottingham University sertıfıkaty beriledi.
Azııanyń osy bir asa úlken emes memleketi Malaızııaǵa jyl saıyn álemniń túrli elderinen 50 myńnan astam shetel stýdentteri keledi. О́ıtkeni munda oqý sapasy jaqsy, sonymen birge baǵasy da asa qymbat emes. Klımaty da óte jaıly, qys bolmaıdy, halqy kópultty, sheteldikterge degen qarym-qatynasy da jaqsy. Malaızııada memlekettik te, jekemenshik te oqý oryndary bar. Olardyń kópshiligi álemdegi bedeldi ýnıversıtetterdiń fılıaldary nemese Ulybıtanııa, Amerıka jáne Avstralııanyń joǵary oqý oryndarymen tyǵyz yntymaqtasady. Iаǵnı, Malaızııada oqý stýdentterge barynsha tómen baǵamen álemniń eń úzdik ýnıversıtetteriniń baǵdarlamalarynan ótýge múmkindik beredi. Malaızııadaǵy joǵary oqý oryndarynyń dıplomdary álemniń barlyq elderinde moıyndalǵan. Sondyqtan munda oqý bitirgen túlekterge álemniń barlyq elderinde jumys isteý múmkindigi bar
ALMATY
