Sol tizimge baılanysty 1 A sanatyndaǵy Qytaı Halyq Respýblıkasy, Iran jáne Ońtústik Koreıa elderine sońǵy barǵan sátinen bastap 14 kúnnen kem ýakyt ótken bolsa, jergilikti atqarýshy organdar aıqyndaǵan provızorlyq gospıtaldarda oqshaýlanady. 1 B sanaty boıynsha Gongong, Makao, Taıvan, Japonııa, Italııa elderinen kelgen azamattardy Qazaqstan Respýblıkasynyń shekarasyna otken kúnnen bastap 14 boıy úıinde oqshaýlanady. Úıinde medısına qyzmetkerleriniń kúndelikti qońyraý shalý arqyly medısınalyq baqylaý júrgiziledi. Úıde oqshaýlaýǵa jaǵdaılar bolmaǵan kezde emdeýge jatqyzý usynylady.
2 sanaty boıynsha Fransııa, Germanııa, Taıland, Ázirbaıjan elderinen kelgen azamattardy Qazaqstan Respýblıkasynyń shekarasyn otken kúnnen bastap 14 boıy turǵylyqty jeri boıynsha oqshaýlanady. 14 kún boıy qońyraý shalý arqyly medısınalyq baqylaý júrgiziledi.
Qazaqstan Respýblıkasy boıynsha búgingi kúnge deıin koronovırýs ınfeksııasy tirkelgen joq.
Budan buryn Mańǵystaý oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Erǵalı Sydymanov endi vahtalyq aýysymǵa keletin qytaılyqtar koronavırýstyń álemde beleń alýyna baılanysty ýaqytsha elge kirgizilmeıtindigin aıtqan bolatyn. Departament bastyǵynyń aıtýynsha, óńirde qytaılyqtarmen jumys jasaıtyn 39 kompanııa bar. Jyl basynda 417 qytaılyq azamat oblysta vahtalyq ádispen jumys jasaǵan. Olardyń Qytaıǵa qaıtýyna jáne jumystan shyǵýyna baılanysty búginde oblysta 200 qytaılyq azamat bar.
Mańǵystaý oblysy
