Soltústikqazaqstandyq Polısııa departamentindegi osynaý áıelder korpýsynyń qatarynan Halyqaralyq áıelder kúni qarsańynda 37 úzdik qyzmetkerler túrli marapattar aldy. 8 naýryz qarsańyndaǵy saltanatty jıynda Polısııa departamentiniń bastyǵy polısııa polkovnıgi Marat Tólebaev jeke quramdaǵy qyz-kelinshekterdi merekelerimen quttyqtap, áıel qyzmetkerlerdiń Qazaqstan azamattary men memlekettiń zańdy quqyqtary men múddelerin qorǵaýdaǵy, qylmysqaqarsy kúrestegi baǵa jetpes úlesin atap aıtty. «Qymbatty áıelder qaýymy, osy aıtýly kúni Sizderge shyn júrekten myqty densaýlyq, súıispenshilik, baqyt, otbasynyń amandyǵyn, barlyq arman-tilekterińizdiń oryndalýyn, eńbek pen qyzmette jetistikter, kóktemniń jaıma shýaq kúnindeı kóterińki kóńil-kúı tileımin», dedi ol sóziniń sońynda.
Marapattalǵandardyń arasyndaǵy alty qyzben kelinshekterge kezekti arnaýly ataqtar tabys etildi. Sonyń ishinde tórteýi «polısııa maıory» ataǵyn ıelense, ekeýi «polısııa leıtenanty» pogonyn ıyqtaryna taqty. «Qoldaýshy», «Eren eńbegi jáne qosqan úlesi úshin» estelik medaldarymen, PD alǵys haty jáne gramotasymen ishki organdarynyń alty áıel ardageri marapattaldy.
Saltanatty is-shara oblystyq polısııa vedomstvosyndaǵy mádenı ortalyqtyń pogon taqqan ártisteri daıyndaǵan áserli konserttik baǵdarlamamen aıaqtaldy.
