Erler arasyndaǵy básekede birinshi bolyp Olımpıada joldamasyn 69 kılo salmaqta judyryqtasqan Abylaıhan Júsipov ıelendi. Júsipovten keıin sharshy alańǵa kóterilgen Ábilhan Amanqul, 2019 jylǵy álem chempıony Bekzat Nurdáýletov (81 kg), Rıo Olımpıadasynyń kúmis júldegeri Vasılıı Levıt (91 kg) jáne asa aýyr salmaqtaǵy álem birinshiliginiń kúmis júldegeri ári komanda kapıtany Qamshybek Qońqabaev ta qarsylasyn esh qıyndyqsyz jeńip, Japonııada ótetin Olımpııa oıyndaryna joldama jeńip aldy.
Qyzdar arasynda óner kórsetken 19 jastaǵy otandasymyz Nadejda Rıabes te bapkerler úmitin aqtap, Olımpıadaǵa barý quqyǵyn ıelendi. Aıta keteıik, Rıabes 2018 jyly Jasóspirimder Olımpıadasyna qatysyp, qola júldeger atanǵan-dy.
