Batys Qazaqstan oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Altaı Qulqaevtyń aıtýynsha, oblys aýmaǵynda kópbalaly 7787 otbasy jáne 18 jasqa deıingi múgedek bala tárbıelep otyrǵan 2654 otbasy bar. Olar tıisti memlekettik járdemaqylaryn alyp otyr. Endi joǵaryda atalǵan kategorııaǵa qosa tolyq emes otbasylar da «Baqytty otbasy» baǵdarlamasy boıynsha turǵyn úıdiń alǵashqy jarnasyn tóleý úshin memleketten 1 mln teńgege deıin qaıtarymsyz kómek alyp, baspanaly bola alady.
2020 jyly batysqazaqstandyqtarǵa turǵyn úı sertıfıkatyn berý úshin oblys bıýdjetinen 200 mln teńge qarastyrylǵan eken.
-Batys Qazaqstan oblysynda «Baqytty otbasy» baǵdarlamasy boıynsha nesıelik ótinimderdi qabyldaý 11 naýryzdan bastalady. Birinshi jartyjyldyqta oblys boıynsha 205 otbasyǵa turǵyn úı satyp alýǵa nesıe berýdi josparlap otyrmyz. Zaım mólsherlemesi burynǵysynsha 10%-dyq bastapqy jarna men jyldyq 2%-dy quraıdy. Bıylǵy basty ózgeris – eń joǵary tabys kúnkóris mınımýmynyń mólsherine səıkes esepteletin boldy. Iаǵnı, jeńildetilgen zaım alý úshin ər otbasy múshesine keletin tabys mólsheri sońǵy alty aıda aı saıyn eki kúnkóris mımnımýmynan, ıaǵnı 62366 teńgeden aspaýy qajet, - deıdi «Qazaqstannyń turǵyn úı qurylys jınaq banki» AQ Batys Qazaqstan oblystyq fılıaly dırektorynyń orynbasary Nurjan Qalıshanov.
Turǵyn úı sertıfıkattaryn múgedek balalary bar nemese tárbıelep otyrǵan otbasylar, «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen marapattalǵan kóp balaly analar, kóp balaly otbasylar jáne tolyq emes otbasylar, sondaı-aq Qazaqstan Respýblıkasynyń Ulttyq Banki bekitken ıpotekalyq baǵdarlamanyń jáne (nemese) Qazaqstan Respýblıkasynyń Úkimeti bekitken turǵyn úı qurylysynyń memlekettik baǵdarlamasynyń talaptaryna sáıkes keletin densaýlyq saqtaý, bilim berý, mádenıet, sport, veterınarııa jáne agroónerkásiptik keshen salasynda eńbek qyzmetin júzege asyratyn qajetti mamandar ala alady.
Aıta keteıik, ótken jyly «Baqytty otbasy» baǵdarlamasy boıynsha batys qazaqstandyq 196 otbasy baspanaly bolǵan.
Batys Qazaqstan
