Sonymen qatar, QHR-dan jáne shekaralas memleketterden kelgen azamattarǵa monıtorıng jalǵasýda.
Barlyq sanattar boıynsha monıtorıngke 2 myń 507 adam alyndy, onyń ishinde 1a sanaty boıynsha – 1 myń 619, 1b sanaty boıynsha – 520, 2 sanaty boıynsha – 368 adam. Monıtorıngke alynǵan 2 myń 507 adamnyń 424 baqylaý toqtatyldy. 15 naýryzdaǵy jaǵdaı boıynsha barlyǵy 2 myń 083 adamǵa monıtorıng júrgizýde.
Qazirgi ýaqytta dene qyzýymen jáne JRVI belgilerimen 122 adam aýrýhanaǵa jatqyzyldy, onyń ishinde 1 b sanaty boıynsha – 35 adam; 2 sanat boıynsha – 42 adam; 3 sanat boıynsha - 45 adam. Aýrýhanaǵa jatqyzylǵandar sany 122 adam, 62 azamat shyǵaryldy. 60 adam stasıonarda qalady.
Bas memlekettik sanıtarlyq dárigerdiń qaýlysymen atalǵan pasıentter algorıtmge sáıkes ınfeksııalyq stasıonarǵa jatqyzyldy.
Epıdemııaǵa qarsy qajetti sharalar, onyń ishinde oqshaýlaý, emdeý jáne dezınfeksııa jasaý jumystary júrgizilýde.
Aıta ketý kerek, jaǵdaı QR Densaýlyq saqtaý mınıstrliginiń turaqty baqylaýynda.
Densaýlyq saqtaý mınıstrligi jańa koronavırýstyq ınfeksııanyń taralýyna jol bermeý úshin qatań aldyn alý sharalaryn saqtaýǵa keńes beredi:
- qoldy, betti sabynmen jıi jáne muqııat jýý;
- adamdar kóp jınalatyn jerlerge múldem barmaý;
- syrqat adamdarǵa jaqyndamaý;
- sýyq tııý belgileri paıda bolǵan jaǵdaıda ( dene qyzýy joǵarylap, muryn bitelse, jótel, tamaqtyń aýyrýy) tez arada úıge jedel járdem shaqyrý qajet.
Qosymsha aqparat boıynsha táýlik boıy jumys isteıtin 1406 baılanys-ortalyǵyna qońyraý shalýǵa bolady.
