Tartysqa toly týr

Týrdyń ortalyq oıyny «Taraz» – «Or­dabasy» klýbtary arasynda ótti. Ońtústik der­bıinde fýtbolshylar qaqpaǵa bes gol soq­ty. Onyń ekeýi – avtogol, ekeýi penaltıden so­ǵyldy. Birinshi taımda «Ordabasy» oıynshylary Sımchevıch pen Kleshenko óz qaqpasyna gol soǵyp aldy. Ekinshi taım basynda Abzal Taýbaı «Tarazdyń» úshinshi golyn qaqpaǵa engizse, «Ordabasy» sapynan Abdýllaı Dıakate eki penaltıdi sátti oryndaǵanymen, komandasyn je­ńilisten qutqaryp qala almady. Matchtyń 68-mınýtynda «Taraz» sapynan Mıhaıl Mı­shenko alańnan qýyldy.

Sonymen qatar týrdyń sensasııasy Qos­­­­tanaıda tirkeldi. Úıdegi oıynyn ýa­qyt­­sha Qos­tanaıda ótkizýge májbúr bol­ǵan «Shahter» Al­matynyń «Qaıratyn» qabyl­dap, 1:0 ese­bimen jeńiske jetti. Match­taǵy jalǵyz goldy «Qaırattyń» burynǵy oıynshysy Baýyrjan Turysbek soqty. Al el chempıony «Astana» joǵary lıgaǵa oral­ǵan «Kaspıı» klýbymen kezdesip, 3:2 esebimen basym tústi.

Ekinshi týr oıyndarynan keıin Qazaq­stan­nyń kásipqoı fýtbol lıgasy COVID-19 koronavırýs ınfeksııasynyń taralýyna baılanysty ishki chempıonat bir aıǵa toqtaǵanyn habarlady. II týr nátıjeleri: «Ertis» – «Qyzyljar» – 1:1, «Jetisý» – «To­byl» – 0:0, «Oqjetpes» – «Qaısar» – 0:1, «Taraz» – «Ordabasy» – 3:2, «Shahter» – «Qaı­rat» – 1:0, «Kaspıı» – «Astana» – 2:3.