Sýret: zakon.kz
- Aýstralııanyń ashyq birinshiliginiń jastar arasyndaǵy jarysynda jartylaı fınalǵa deıin jetken Zańǵar Nurlanuly ITF Juniors reıtıngindegi jaǵdaıyn jaqsartty. Melbýrndegi tabysynyń arqasynda qazaq tennısshisi úsh satyǵa joǵarylap, qazir toǵyzynshy orynǵa turaqtady.
- Halyqaralyq fýtbol tarıhy men statıstıkasy federasııasy (IFFHS) álemdegi fýtbol lıgalarynyń reıtıngin jarııalady. Byltyrǵy jylmen salystyrǵanda elimizdiń Premer-lıgasy birden 12 satyǵa joǵarylap, qazir 74-orynda tur. TOP-10-dyqqa myna memleketterdiń ishki chempıonattary endi: Anglııa, Ispanııa, Brazılııa, Italııa, Germanııa, Fransııa, Argentına, Portýgalııa, Nıderland, Kolýmbııa.
- Aralas jekpe-jek álemindegi eń beldi promoýshen – UFC-men qosh aıtysqan Azat Maqsum (15-3) endi О́zbekstanda irgetasy qalanǵan Mangu MMA lıgasynda kúsh synasady. 7 aqpanda Tashkenttegi «Hýmo Arenada» jergilikti faıter Ramazan Temirovpen (19-2) aıqasady. Bul báseke djıý-djıtsýdyń erejesimen ótedi. Taǵy bir tanymal sportshymyz Manap Nurqoja Qytaıdyń JCK lıgasymen úsh jyldyq kelisimshartqa otyrdy.
- Short-trekten AQSh-tyń Solt-Leık-Sıtı qalasynda jasóspirimder arasynda ótip jatqan álem birinshiliginde elimizdiń quramasy ekinshi medal ıelendi. Buǵan deıin jerlesterimiz 3000 metrlik estafetada máre syzyǵyn úshinshi bolyp qıyp ótse, kóp keshikpeı Bogdan Vehov dál sondaı nátıjege qol jetkizdi. 1000 metrlik qashyqtyqta otandasymyz tek Ońtústik Koreıa ókili Pak Sodjýn men Qytaı sportshysy Iýıhen Lıden qalyp qoıdy.
- Búgin Italııanyń Týrın qalasynda rapıramen semserlesýden Gran-prı dodasy bastalady. Bul básekede Ǵalym Nurymov, Tımofeı Semıonov, Tamırlan Qalıev, Sofııa Aqtaeva, Alıona Gnoeva, Kúljan Túsipbekova baq synaıdy. Jarys 7 aqpanda márege jetedi.
