– О́ńirde koronavırýstyq ınfeksııa juqtyrǵandar tirkelgen joq. Oblys aýmaǵyna kelgen azamattarǵa monıtorıng júrgizilýde. Medısınalyq mekemelerdiń daıyndyǵy pysyqtalyp jatyr. Jeńil jáne aýyr túrin juqtyrǵan naýqastarǵa aýrýhanalardan oryn jabdyqtaldy. Koronavırýs tirkelgen shetelderden kelgen azamattarǵa arnalǵan karantın orny da ázirlendi,–deıdi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń jetekshisi Aınagúl Mýsına.
Prezıdent tapsyrmasyna sáıkes 50-den artyq adamdyń bir jerde shoǵyrlanýyna tyıym salynady. Osyǵan oraı, oblys ákimi Ermek Boranbaıuly halyqqa qyzmet kórsetý ortalyqtary men bank qyzmetkerleriniń jumysyn múmkindiginshe sıfrlandyrýdy tapsyrdy. Osy arqyly adamdardyń kóp jınalýyna jol berilmeıdi. Oıyn-saýyq ortalyqtary men saýda úıleriniń jumystary shektelgenimen, azyq-túlik dúkenderi shtattyq rejımde saǵat 10-nan keshki 6-ǵa deıin jumys isteıdi. Búgingi aqparat boıynsha balabaqshaǵa 38 prosent qana búldirshin kelgen.
– Búginnen bastap barlyq stýdentter úılerine qaıtaryldy. Barlyq ustazdar qaýymy qashyqtyqtan bilim berý júıesine aýystyryldy. Mektep oqýshylary 16 naýryzdan 5 sáýirge deıin kanıkýlǵa jiberildi. Oqý jáne medısınalyq mekemeler karantınge jabyldy,–deıdi Aqmola oblysy ákiminiń orynbasary Aına Mysyrálimova.
Jedel áreket etý shtabynyń otyrysynda medısınalyq maskalardyń jetispeýshiligi taǵy da kóterildi. «Tynys» zaýyty erteńge deıin 7 myń maskany daıyndamaq. Odan bólek 4 kásiporyn medısınalyq qyzmetkerlerdi maskalar jáne qorǵanys kıimderimen jabdyqtaıdy.
Otyrysta kóktemgi sý tasqynynyń aldyn-alý máselesi de nazardan tys qalmady. Aýdan ákimderine apatty jaǵdaıdyń oryn alýy múmkin óńirlerdi azyq-túlikpen qamtamasyz etý mindetteldi.
Aqmola oblysy
