Olar 3 kúnniń ishinde 600 betperde tigip úlgerdi. Baǵasy da qymbat emes, nebary 120 teńge. Daıyn ónimder jergilikti balabaqshalar, mektepter men jeke kásiporyndarǵa jóneltilýde.
Maska tigip, ony satylymǵa shyǵarý «Ana úıiniń» úılestirýshisi Quralaı Jumabekovanyń bastamasy. Quralaıdyń ózi de kópbalaly ana. Áýel basta maskany balalaryna tigip berse kerek. Qolynan kelip-aq tur, esh kemdigi joq. Keıin suranysty kórip, «Ana úıindegi» áıelderdi de osy ıgilikti iske jumyldyrdy. Analardyń bul isine óńirdegi «Jıznennyı pýt» volontıorlar uıymy da kómektesýde.
–Meniń 4 balam mektepte oqıdy. Oqýshylardan qazir maska kıip júrýdi talap etýde. О́zderine de kerek qoı. Tabanymdy tozdyryp, izdemin júremin be dedim de, dákeden ózim tigip aldym. Arada kóp ýaqyt ótpeı ata-analar tarapynan usynys túse bastady. Men birden kelistim. Eger dákeni ózderi ákelse, maska baǵasy 60 teńge, al eger menen bolsa 120 teńge. Qazirde osy talap boıynsha jumys isteımiz,–deıdi kópbalaly ana Quralaı Jumabekova.
Bul jerde jumys qyzý júrýde. Tapsyrys berýshiler kóp. Analar eki tigin mashınasymen aýysyp jumys istep jatyr. Osylaısha, qazirgi ýaqytta qalyptasqan qıyndyqtan shyǵýǵa jaǵdaıǵa analar da óz úlesterin qosýda.
