Qazaqstan Respýblıkasy Parlamenti Senaty Tóraǵasynyń orynbasary Aleksandr Sýdın bizdiń elimizdegi dıplomatııalyq qyzmetin aıaqtaǵan Ýkraınanyń Qazaqstandaǵy Tótenshe jáne ókiletti elshisi Oleg Demınmen kezdesti, dep habarlady palatanyń baspasóz qyzmeti.
Qazaqstan Respýblıkasy Parlamenti Senaty Tóraǵasynyń orynbasary Aleksandr Sýdın bizdiń elimizdegi dıplomatııalyq qyzmetin aıaqtaǵan Ýkraınanyń Qazaqstandaǵy Tótenshe jáne ókiletti elshisi Oleg Demınmen kezdesti, dep habarlady palatanyń baspasóz qyzmeti.
Kezdesýde ekijaqty yntymaqtastyq jáne kópjaqty turǵyda ózara is-qımyl aıasyndaǵy ózekti máseleler boıynsha syndarly pikir almasyldy. «Bizdiń elderimiz arasyndaǵy qarym-qatynastar daǵdyly túrdegi ózara túsinistik jáne senim aıasynda damyp keledi. Ýkraına Qazaqstannyń mańyzdy saıası jáne saýda áriptesteriniń biri. Syndarly únqatysý men naqty kelisimderdiń arqasynda bizdiń elderimiz ekijaqty yntymaqtastyqtyń jańa deńgeıine qol jetkizdi. Eki memlekettiń baǵyt-baǵdary aımaqtyq jáne halyqaralyq saıasattyń kóptegen máselelerinde jaqyn jáne nyǵaıa túsýde», dep atap ótti A.Sýdın.
Ekijaqty qatynastardy nyǵaıtýǵa qosqan úlesi úshin Senat Tóraǵasynyń orynbasary Ýkraına dıplomaty O.Demınge alǵys aıta kelip, onyń dıplomatııalyq qyzmetiniń tabysty jalǵasa berýine tilektestigin bildirdi.
***
Taraz qalasynda Parlament Senaty Ekonomıkalyq damý jáne kásipkerlik komıtetiniń hatshysy Sársenbaı Eńsegenovtiń qatysýymen «Qazaqstan Respýblıkasynyń Ulttyq kásipkerler palatasy týraly» jańa zań erejelerin túsindirý maqsatynda jınalys boldy.
Sharaǵa elimizdiń О́ńirlik damý mınıstrliginiń, jergilikti atqarýshy bıliktiń, «Atameken» odaǵy» Ulttyq ekonomıkalyq palatasynyń ókilderi jáne Ońtústik Qazaqstan, Jambyl jáne Qyzylorda oblystaryndaǵy bıznes qurylymdarynyń basshylary qatysty.
Ulttyq kásipkerler palatasy týraly zań palataǵa kásipkerlerdiń respýblıkalyq, aımaqtyq jáne aýdandyq deńgeıde mindetti túrde múshe bolýyn qarastyrady.
– Jańa zań kásipkerlik bastamalardy iske asyrýǵa qolaıly quqyqtyq, ekonomıkalyq jáne áleýmettik jaǵdaılarmen qamtamasyz etý jáne bıznes qaýymdastyqtary men Qazaqstannyń memlekettik organdary arasyndaǵy áriptestikti damytý, sondaı-aq jeke kásipkerlerdi yntalandyrý men olardyń birlestikteri qyzmetine qoldaý kórsetý maqsatynda ázirlendi, – dep atap ótti Sársenbaı Eńsegenov.
* * *
Parlament Senatynyń depýtaty Sergeı Plotnıkovtyń Shyǵys Qazaqstan oblysyna sapary barysyndaǵy saılaýshylarmen kezdesýde egin orý, jylý berý maýsymyna ázirlik, áleýmettik-mádenı nysandar qurylysy máseleleri talqylandy.
Senator Katonqaraǵaı, Zyrıan, Glýbokoe aýdandarynda jáne О́skemen qalasynda boldy. Katonqaraǵaı aýdanynda S.Plotnıkov depýtat qoldaýymen salynǵan jańa balabaqsha men mektepte boldy. Jańa mektep 1 qyrkúıekte paıdalanýǵa beriledi. Senator aldaǵy ýaqytta Úlken Naryn aýylynda taǵy bir mektep qurylysyn salý kózdelip otyrǵanyn aıtty. Sonymen qatar, ol qazirgi kezde apatty jaǵdaıda turǵan mektep ornyna qurylys jumystaryn júrgizý úshin depýtattyq saýalynda másele kóterý qajettigin jetkizdi.
