Bıyl Syrdyń bas qalasy – Qyzylorda qalasyna 195 jyl. Osy rette mereke qarsańynda qaladaǵy kórkeıtý, kógaldandyrý, abattandyrý jumystary qarqyndy júrgizilýde. Bul týraly qala ákiminiń baspasóz hatshysy Baldyrǵan Mamen habarlady.
Qala ákimdiginde ótken májiliste qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń bastyǵy Marsbek Moldabaev shahar kúni merekesine baılanysty birqatar isterdiń qolǵa alynǵanyn atap ótti. Qazirdiń ózinde 27 alleıa men skverlerdi eńbekkerler jasyl-jelekke bóleý ústinde.Sonymen birge, Jibek joly kóshesi men Astana dańǵyly boılaryna gúlder otyrǵyzylyp, kóshe boıyndaǵy elektr baǵanalaryna globýs tárizdes gúlmen kómkerilgen sharlar ornatylýda. Jańa aıaldamalar ornatylyp, qalanyń temir jol vokzaly aýmaǵynda keńeıtý jáne abattandyrý jumystary júrgizilýde.Munan ózge 40 kóshege jaryqtandyrý júrgizilip, qala aýmaǵyndaǵy alleıalar men skverler aýmaǵyna jańa úlgidegi jaryq baǵanalary ornatylýda.Al osy jumystardyń aldynda qalanyń negizgi Jibek joly kóshesi qaıta jańǵyrtýdan ótken edi.
Búgingi kezderi Tasbóget qystaǵyndaǵy «Naýryz», «Tasaryq» shaǵyn aýdandary, temir joldyń arǵy betindegi Taımanov kóshesi boıyndaǵy kópqabatty turǵyn úıler aýmaǵy, «Mereı» shaǵyn aýdany jáne qala ishindegi 42 aýla abattandyryldy. Sondaı-aq, balalardyń bos ýaqytyn tıimdi ushtastyrý úshin 23 turǵyn úı aýlalaryna sport alańdary salynatyn bolyp uıǵaryldy.
Ámirhan Almaǵanbetov.
