Basqa oblystardan mal tasymaldaý jumystaryna shekteý qoıylmaǵan. Ákelingen barlyq tórt túlik tekserýden ótkiziledi. Qazirgi jaǵdaıǵa baılanysty oblys kóleminde birde-bir maldan aýrý tirkelgen joq. Dezınfeksııalaý kezinde mal qoralar, jem-shóp saqtalǵan qoımalar men mal tasıtyn quraldar da tazalanady. Sonymen qatar, mal bazaryna kirip shyqqan ár bir avtokólik arnaıy dızbarerden ótedi. Aıta keteıik, jumys ýaqyty tańǵy 6-dan kúndizgi 3-ke deıin qysqartylǵan.
-Qazirgi tańda barlyq sanıtarlyq jumystar kúsheıtilip, barlyǵy tolyqtaı baqylaýǵa alyndy. Máselen, búgin «Elnar» mal bazary men mal soıý pýnktinde bolyp, tekserip qarap shyqtyq. Sanıtarlyq dızenfeksııalyq jumystar korsepti 17 preparatymen, tazalyq saqtaýdaǵy antıseptıkalyq jumystar dıhlor suıyqtyǵymen jasalynady. Negizinen bizge maldar Oral, Aqtóbe oblystarynan keledi. Barlyq maldardyń jaǵdaıy tolyqtaı tekserýden ótkizilip, belgili ýaqyttan keıin ǵana satýǵa shyǵarylady, deıdi Aqtaý qalalyq aýylsharýashylyǵy jáne veterınarııa bóliminiń basshysy Nurbergen Mamýtov.
Mańǵystaý oblysy
