Zaýytta eńbek zańdylyqtary qatań saqtalǵan. Sehtar jumysy da qalypty kestege sáıkes júrgizilýde. Sanıtarlyq erejelerdi saqtaý máselesi kire beristen-aq talap etiledi. Esiktiń tutqalary barlyǵy sanıtarlyq talaptarǵa saı tazartylyp otyrady. Sanıtaızerler ornatylǵan. Maska kıip júrý máselesin medbıkeler qatań baqylaýǵa alǵan. Qoldy dezınfeksııalaǵannan keıin baryp qana jumysqa kirisýge bolady.
–Bárin baqylap tekserý júrgizemiz. Barlyq sanıtarlyq talaptar saqtalady. Bizge antıseptıkter, suıyq sabyndar berildi. Biz ony qurylǵylarǵa quıyp, shashyratqyshtar qoıyp qoıdyq,–deıdi «Tynys» aksıonerlik qoǵamy medısına beketiniń meńgerýshisi Lıýbov Proshınskaıa.
QR Eńbek jáne halyqty áleýmettik qorǵaý mınıstri tótenshe jaǵdaı kezinde barlyq kásiporyndar menshik nysanyna qaramastan, qashyqtyqtan jumys isteýge kóshý kerektigin aıtty. Biraq, barlyq jumysty onlaın rejımine aýystyrý múmkin bolmaıtyn jaǵdaılar bar. «Tynys» zaýyty qalypty jumys kestesi boıynsha eńbek etýde.
–Jumys ýaqyty ózgergen joq. Barlyq sanıtarlyq nusqaýlar qatań saqtalady,–deıdi «Tynys» aksıonerlik qoǵamy kásipodaq uıymynyń tóraǵasy Beıbit Nurahaev.
Eńbek Kodeksiniń 70 baby jumys berýshige qysqartylǵan jumys ýaqytyn belgileýge quqyq beredi. Iаǵnı, jumys saǵaty azaıady. Biraq, zaýytta mundaı qajettilik joq. Ujym tolyǵymen jumys istep jatyr.
–Bizdiń seh burynǵydaı jumysyn jalǵastyrýda. Tańǵy saǵat 8-den keshki 17.00-ge deıin. Túski as 12.20-dan 12.40-qa deıin. Zaýyt basshylyǵy kóptegen antıseptıkter men tazartqysh quraldar satyp alǵan. Sheberhanalar men bólimderde jetkilikti. Maskalar barlyq jumysshylarǵa taratyldy. Ár bólimniń kire berisine shashyratqysh tazartqyshtar ornatylǵan. Árbir aýysymnyń aldynda sehtar men bólmeler tazartylady,–deıdi quıý-balqytý sehynyń jetekshisi Nurjan Seıtenov.
Zaýyt birneshe márte paıdalanýǵa arnalǵan maskalar shyǵara bastady. О́nimge degen suranys kún sanap artýda.
– Biz «Tynys» zaýytyna maska satyp alý úshin keldik. Biz aldyn-ala tólem jasap, jumysshylarymyz úshin tapsyrys berdik. Qalada birneshe kún boıy dárihanalarda maska tabý qıyn bolyp tur. Bizge shamamen 200 dana kerek. Maska tigýge arnalǵan shıkizat Reseıden satyp alynady. Bul mata men rezeńke jolaqtar. Maskanyń satylymdaǵy baǵasy 270 teńge. Ázirge «Altyntaý-Kókshetaý» kásiporny 60 myń maskaǵa tapsyrys bergen,–deıdi «Gold aeg» seriktestiginiń ókili Erjan Ǵalymuly.
– Búgingi tańda 8 myń maska tigildi. Bul quqyq qorǵaý organdaryna, áleýmettik mekemelerge arnalǵan. Taǵy 3 myń maskaǵa jeterlik materıal bar. 90 myńǵa jýyq maskaǵa tapsyrys berildi. Jetispeýshilik bar, biraq biz shıkizatqa tapsyrys berdik, úsh-bes kún ishinde jetkiziledi. Biraq qazirgi jaǵdaıǵa baılanysty shekaradan qalaı ótedi degen másele týyndap tur,–deıdi «Tynys» aksıonerlik qoǵamy satý bóliminiń jetekshisi Aıbek Qabıev.
Eldegi tótenshe jaǵdaı kezinde eń áýeli iri óndiris oryndaryndaǵy jumysshylardyń jumys kestesine erekshe nazar aýdarylady. Sebebi, azamattardyń alańsyz eńbek etýine barlyq jaǵdaı jasalýy tıis. Bıyldan bastap QR «Áleýmettik saqtandyrý týraly» Zańyna ózgertýler engizilgen. Eger qyzmetker jumystan bosatylsa, sebebine qaramastan 6 aı kóleminde memlekettik saqtandyrý qorynan áleýmettik járdemaqy alýǵa quqyly. Tólem mólsheri jalaqynyń 40 prosentin quraıdy. Ol úshin jumyspen qamtý ortalyǵynda jumyssyz retinde tirkelý qajet. Muny qashyqtyqtan rásimdeýge de bolady. Budan ári áleýmettik tólem onlaın túrde rásimdeledi.
Kókshetaý qalasy
