Balalardyń qoly da antıseptıkalyq quraldar jáne sabynmen jıi jýylady. Osy maqsatta bıýdjetten qarajat bólinip, qajetti nárselermen tolyqtaı qamtylǵan. Bul týraly Aqtaý qalalyq ákimdigi baspasóz qyzmeti habarlady.
Aqtaý qalalyq bilim bóliminiń basshysy Svetlana Tólebaevanyń aıtýynsha, balabaqshaǵa balany aparý-aparmaý ata-ananyń óziniń quqyǵynda. Búldirshindi úıinde qaldyrýdy oryndy dep sheshken ata-analar tárbıeshilerge habarlasyp, eskertse jetkilikti. Balabaqshanyń ótemaqysy balanyń barǵan kúnine ǵana eseptelinedi. Bul jekemenshilik uıymdarǵa da qatysty.
Mamandar tótenshe jaǵdaıǵa baılanysty balabaqshaǵa kelip júrgenderdiń sany edáýir azaıǵanyn aıtady. Qaladaǵy 46 jekemenshik, 34 memlekettik bóbekjaıǵa 5142 bala barýda. Bul tótenshe jaǵdaıǵa deıingi bala sanynyń 34%-yn qurap otyr.
- Alańdaýdyń qajeti joq. Balabaqshalardyń barlyǵynda josparly negizinde jylyna 4 ret josparly dezınfeksııa júrgiziletin bolsa, búgingi tańda eldegi qaýyrt jaǵdaıǵa baılanysty jospardan tys dezınfekısıalyq jumystar kestege sáıkes júrgizilýde jáne balabaqshanyń ishki ylǵaldy hlor restvorlarmen 2 saǵat saıyn júrgizilip otyr, deıdi Aqtaý qalalyq bilim bóliminiń basshysy Svetlana Tólebaeva.
Mańǵystaý oblysy
