«Osynaý syn saǵatta ortaq isten eshkim de syrt qalmaýǵa tıis. Birinshiden, Úkimet bıýdjet salasy qyzmetkerleriniń, stýdentterdiń, shaǵyn jáne orta bıznestiń aýyrtpalyǵyn jeńildetý baǵytyndaǵy naqty qadamdaryn jarııa etti. Biraq tek qana memlekettiń kúsh-jigeri jetkiliksiz bolady. Zaýaldy eńserý úshin basqa da qosymsha resýrstardy jumyldyrǵan jón. Árbir azamat óziniń qolynan keletin úlesin qosýǵa tıis. Men bul qıyn kezeńde el-jurtqa kómekteskisi keletin jáne járdem bere alatyn adamdardyń qarajaty jınaqtalatyn Respýblıkalyq qor qurýdy usynamyn»,- dedi Nursultan Nazarbaev.
Elimizdiń Tuńǵysh Prezıdenti otandyq iri kásiporyndardyń qoldaýyna senim bildirdi.
«Osyndaı jaǵdaıda burynǵysha otandyq iri kásiporyndar da qoldaýyn kórsetedi dep senemin. Ondaı qorlardy árbir oblys ortalyǵynda jáne respýblıkalyq mańyzy bar qalalarda qurý qajet. Ol jumysty tıisinshe sol jerlerdiń ákimderi júzege asyrǵany durys. Búkil halyq, qalyń el, jalpaq jurt bolyp jumylýdyń jarqyn úlgisi men tıimdiligin biz Arys qalasyn apattan keıin jedel qalpyna keltirgen kezde kórsetken edik» dep atap ótti Elbasy.
