Kıno • 20 Naýryz, 2020

Dúnıeni dúbirletken «Dombyra»

46 ret kórsetildi

Naýryz aıy ulttyq kınematografııamyz úshin tabysty bastaldy.  Otandyq jas rejısser Ramazan Qalıollanyń qysqametrli «Dombyra» fılmi osy aıda qos birdeı halyqaralyq festıvalǵa  joldama aldy.

Atap aıtsaq, naýryzdyń 12-15-i kúnderi aralyǵynda Reseıdiń Sankt-Peterbýrg qalasynda ótken Sensus Halyqaralyq kınofestıvaline qatysyp, kıno mamandarynyń joǵary baǵasyn alsa, 14 naýryzdan 28 naýryzǵa deıin jalǵasatyn XIX Halyqaralyq Kids First kınofestıvaliniń konkýrstyq baǵdarlamasyna iriktelip, dál qazir sol baıqaýda baq synaýda. Atalǵan kınofestıval óz kórermenderin álemniń iri stýdııalary, jekemenshik kompanııalar men jas kınogerler túsirgen balalarǵa arnalǵan fılmdermen tanystyrady. Kids Firs baıqaýyna qatysatyn týyndylar 50-den astam alańdarda kórsetiledi.

«Dombyra» fılmin QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» AQ-nyń «Debıýt» shyǵarmashylyq-óndiristik birlestigi  túsirgen. Kartınanyń jelisi dombyranyń qulaǵynda oınap, úlken sahnada óner kórsetýdi armandaǵan Áset esimdi balanyń ómirin baıandaıdy.

Aıta ketsek, atalǵan kınotýyndy byltyr Almatyda ótken IV Halyqaralyq  Baiqonyr ISFF kınofestıvaliniń konkýrstan tys baǵdarlamasynda kórsetilip, «Brodveıdiń tańdaýy» syılyǵyn alǵan. Sondaı-aq, bul fılm Nıý-Delı qalasynda ótken VIII Halyqaralyq  qysqametrajdy fılmder kınofestıvalinde (Delhi Shorts International Film Festival) «Úzdik fılm» júldesin de qosa jeńip aldy. Elimizdiń abyroıyn álemdik deńgeıde asqaqtatyp júrgen otandyq kınotýyndynyń túsirilim tobyna tek sáttilik tileımiz.  

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar