Álemdik jarysqa kórshiles О́zbekstan, Qyrǵyzstan, Tájikstan memleketteriniń boksshylary qatysty. Jerlesimiz Temirtas Júsipov 52 keli salmaqta chempıon atandy. Bylǵary qolǵap sheberi bokspen 15 jylǵa jýyq aınalysady. Ol Azııanyń eki, Qazaqstannyń bes dúrkin chempıony. Osy baıraqty básekede de jerlesimizdiń aıy ońynan týdy.
– Biz jaqsy oıyn kórsettik dep oılaımyn. Men júldeli 1 orynǵa ıe boldym. 3 kezdesý ótkizdim. Daıyndyq jumystary jaqsy júrdi. Alǵashqy oqý-jattyǵý Shymkent qalasynda ótti. Keıinnen ekinshi jattyǵý osyndaǵy «Jaqsy-2» sport bazasynda boldy. Bapkerler tyńǵylyqty daıyndady,–deıdi bokstan halyqaralyq dárejedegi sport sheberi Temirtas Júsipov.
Aıtýly jarysqa álemniń ár túkpirinen kelgen 100-ge jýyq bylǵary qolǵap sheberi qatysypty. Halyqaralyq týrnırde 8 boksshy óńir namysyn qorǵaǵan. Oıyn tolyǵymen olımpıadalyq erejede ótken.
– Men qarsylastardyń barlyǵyn jaqsy bilemin. Jeńiske jetý úshin barymdy saldym,–deıdi bokstan halyqaralyq dárejedegi sport sheberi Temirtas Júsipov.
Temirtas aldaǵy jarystarǵa daıyndyq jumystaryn tyńǵylyqty júrgizetindigin jetkizdi.
