«2020 jylǵy 19 naýryzda «Aıyrbastaý pýnktteri arqyly júrgiziletin operasııalar boıynsha shetel valıýtasyn teńgege satyp alý baǵamynyń satý baǵamynan aýytqý shekterin belgileý týraly» Qazaqstan Respýblıkasy Ulttyq Banki Basqarmasynyń №33 qaýlysy qabyldandy.
Qaýlyda ýákiletti bankterdiń jáne ýákiletti uıymdardyń (banktik emes aıyrbastaý pýnktteri) aıyrbastaý pýnktteri arqyly júrgiziletin operasııalar boıynsha shetel valıýtasyn satyp alý baǵamynyń satý baǵamynan aýytqý shekterin: 1) AQSh dollary - 6 teńge; 2) eýro - 7 teńge etip belgileý kózdeledi.
Bul sharalar elde tótenshe jaǵdaı rejıminiń qoldanylý ýaqytynda («Qazaqstan Respýblıkasynda tótenshe jaǵdaı engizý týraly» Qazaqstan Respýblıkasy Prezıdentiniń 2020 jylǵy 15 naýryzdaǵy № 285 Jarlyǵy) iske asady jáne ishki valıýta naryǵyna syrtqy faktorlardyń turaqsyzdandyratyn áserin shekteýge jáne qarjylyq turaqtylyqty qamtamasyz etýge járdemdesýge baǵyttalǵan», delingen aqparatta.
