Elimizdegi tótenshe jaǵdaıǵa baılanysty «Qazaqtelekom» kompanııalar toby Densaýlyq saqtaý mınıstrligimen memorandýmǵa qol qoıǵan bolatyn. Onyń nátıjesinde 5 000-nan astam qazaqstandyq medısına qyzmetkerleri uıaly baılanys jáne ınternet jelisin tegin paıdalanýda. Qujatqa qol qoıýdy elimizdiń eń iri telekommýnıkasııalyq operatory, Sıfrlyq damý, ınnovasııa jáne aeroǵarysh ónerkásibi mınıstrligimen birlesip qolǵa alǵan.
Prezıdent jarııalaǵan tótenshe jaǵdaı kezeńinde «Qazaqtelekom» kompanııalar tobynyń Densaýlyq saqtaý sektoryn qoldaýǵa baǵyttalǵan sharalary osyndaı bolyp otyr. Atap aıtqanda, epıdemıologııalyq jaǵdaıdyń kúrdelenýi kezeńinde iske qosylǵan 5 000-nan astam medısına qyzmetkerlerine tegin uıaly baılanys jáne Tele2, Altel, Kcell/activ jelilerinde Internet jelisine qol jetkiziledi.
«Qazaqtelekom» AQ Qoǵammen baılanys qyzmetinen málim bolǵandaı, «Qazaqtelekom» AQ Dırektorlar keńesiniń múshesi E.Qusaıynov kompanııalar tobyna kiretin mobıldi operatorlardyń osy servısterdi usynýǵa daıyn ekendigin aıtyp, memleket pen bıznestiń koronavırýsqa qarsy kúrestegi ortaq kúsh-jigeri, sapaly úzdiksiz baılanys pen Internet jelisine qajetti kólemde qoljetimdilikti qamtamasyz etiletindigin atap ótken bolatyn.
Al «Qazaqtelekom» AQ Basqarma tóraǵasy Q.Esekeev «Qazaqtelekom» kompanııalar toby qalyptasqan jaǵdaıdyń barlyq kúrdeliligin jáne koronavırýsqa qarsy kúrestiń aldyńǵy jelisinde turǵan medısına qyzmetkerleri úshin kepildendirilgen úzdiksiz kommýnıkasııanyń mańyzdylyǵyn túsine otyryp, osy sheshimdi qabyldady. Qazirgi ýaqytta Densaýlyq saqtaý mınıstrliginen medısınalyq qyzmetkerlerdiń derekterin alý jáne bastamany úılestirýdiń jedel júzege asyp jatqandyǵyn jetkizgen bolatyn.
Aýrý jaǵdaılary anyqtalǵan elderdiń tájirıbesi boıynsha medısınalyq qyzmetkerlerge túsetin júktemeniń biri kommýnıkasııa quraldarymen qatysty bolǵan. Osy oraıda úzdiksiz baılanys arnalary bolǵan kezde ǵana medısına qyzmetkerleriniń is-qımyldaryn jedel úılestiriledi. Bul bastama 90 kún boıy qoldanysta bolady.
ALMATY
