Mıhaıl Davıdovıch Spektor – ekonomıka ǵylymdarynyń doktory, professor, agrarlyq ǵylymnyń damýyna eleýli úles qosqan kórnekti ǵalym. Ol jerge ornalastyrý, aýyl sharýashylyǵy ekonomıkasy jáne aýyldyq aýmaqtardy josparlaý salalarynda irgeli ǵylymı eńbekterdiń avtory retinde ǵylymı mektep qalyptastyryp, joǵary bilikti mamandar daıarlaýǵa zor úles qosty.
Is-sharaǵa Basqarma Tóraǵasy – Rektor, QR UǴA akademıgi, professor Qanat Maratuly Tireýov, Qazaqstan Respýblıkasy Ǵylym jáne joǵary bilim vıse-mınıstri Talǵat Eshenqulov, ǵalymnyń qyzy Irına Spektor men talaı jyldar bilim jáne ǵylym salasynda birge eńbek etken áriptesteri, ýnıversıtettiń professor-oqytýshylar quramy, stýdentter jáne arnaıy shaqyrylǵan qonaqtar qatysty.
Saltanatty jıynǵa qatysýshylar Mıhaıl Davıdovıchtiń otandyq ekonomıkalyq ǵylymnyń damýyna, joǵary bilim berý júıesine jáne joǵary bilikti kadrlar daıarlaýǵa qosqan orasan zor úlesin erekshe atap ótti.
Jańa aýdıtorııa Jer resýrstaryn basqarý jáne arhıtektýra ınstıtýtynda ornalasqan. Bul oryn bolashaq mamandar úshin mańyzdy bilim berý keńistigine aınalady. Ataýly aýdıtorııanyń ashylýy Mıhaıl Davıdovıch Spektordyń ǵylymı murasyna, kópjyldyq eńbegine jáne ýnıversıtettiń damýyna qosqan úlesine degen qurmettiń belgisi boldy.
Mundaı bilim berý keńistikterin qurý tarıhı jadyny saqtaýǵa, urpaqtar sabaqtastyǵyn nyǵaıtýǵa jáne akademııalyq dástúrlerdi damytýǵa yqpal etedi.
